اول شي الحمد لله على السلامة وعوداً حميداً أيها القلب الشجاع :Abu Ahmed (772): ,,, وثاني شي صار اللي كنت متوقعة بصراحة عن منتجع المهابيل الشغلة كنت متوقعها سمسرة في سمسرة و عمل دعاية رهيبة لدرجة تذكرت دعاية صابون تايد يجمعون ربات المنزل وأنواع التطبيل للمنتج الجديد وبعدها بفترة ينزل تايد بلس و نرى نفس ربات المنزل السابقين يطبلون لتايد بلس ويصير البلس ينظف أفضل من تايد العادي وينضرب سوق العادي بالاخير وهذا اللي بيصير لمنتجع المهابيل بعدها بفتره بيقولون مو حلو و بيطلع منتجع المهابيل 2 و طبل يا مطبل وفي النهاية القراء هم الضحايا و أنت كنت أحدهم بسبب الهالة الأعلامية و عمل المواضيع المفبركة وحتى أنا لو كنت رايح بوقتك و ما قريت تقريرك كان سكنت فيه وكنت ضحية لكن الحمد لله أنك صرت نقطة تصحيح المسار و بينت لنا حقيقة هالمنتجع قبل ما نتخوبر فيه << ترى أمزح ,,,, وبصراحة أنا عجبني تقريرك أنك ذكرت فيه تفاصيل صغيرة يعتقد البعض أنها ما تضر لكن بالنسبة للغير أشوف أنها مهمة ونضع عندها الف علامة أستفهام وأتمنى ان جنة المهابيل ما أثرت على جوك و خربت الرحلة عليك ,,,, وبالنسبة لي أنا انصحك بالابتعاد عن الدرقاوي لانه أستغلالي و مو ذيك النظافة و البوابة حقتهم سيئه بكثرة الأستغلال لدرجة كنت مع العيال تقريباً 5 أيام وطول هالأيام مافيه الا ابو سن على البوابة ويا كثر ما يطلب ,,,, أنصحك بالبوابة رقم 5 وأسمها البرادة ومدري صاحبها هو صاحب جنة المهابيل أو لا لكن بصراحة أثاث حلو و أسعار ارخص وهدوء وبعدين حراس البوابات قنوعين ومو طماعين مثل بوابة الدرقاوي ونقطة وحدة يتميز فيها الدرقاوي بس اللي هي وجود سيفتي بوكس ,,, وبالاخير سامحنا طولنا بالهذرة ,,,, تحياتي و أشواقي