اقتباس:
المشاركة الأصلية كتبت بواسطة عمر الفاسي
فكرة التقاعد بالخارج مطبقة من كثير وفيه اللي بمصر والمغرب وغيرها من الدول وهذا راجع للمتقاعد نفسه
1= هل البلد امان للاقامه الدائمه فيها واي مدينه او منطقه احسن ؟
البلد بشكل عام آمان بشكل كبير جداً والشعب المغربي طيب ومضياف ... أفضل مدينة هذا راجع لك ولطباعك
فمثلاً لو تحب الهدوء أبعد عن كازا ولو تحب البحر عندك طنجة واكادير وهكذا ومن الأفضل زيارة المغرب وتحديد
الأفضل لك بعد الاقامة فيها مثلا لمدة شهرين او ثلاثة.
2= هل يلزمني فيزه للاقامه لمدة طويله مثلآ سنتين ثلاثه وماهي اقصى مده ممكن اجلسها هناك بدون فيزه مثلآ ؟
عند دخولك للمغرب يحق لك الإقامة فيها لمدة 90 يوم ومن بعد عليك زيارة أقرب قسم شرطة لطلب التمديد لفترة أخرى
طبعاً أنت تحتاج أستخراج إقامة مثل اللي عندنا بالسعودية لأنك مو مغربي ومن شروط الإقامة يكون عندك سكن سواء إيجار
أو ملك مو مهم ولكن المهم هو توفر السكن الخاص بك وبعد تقدم على الإقامة والموضوع سهل ولا فيه تعقيدات.
3= هل يكفيني مرتب التقاعد وهو بحدود 1000 دولار شهريآ .. وتشمل السكن والمعيشه وخلافه ؟
هذا الأمر راجع لك ولمصروفك وفين عايش وبأي مدينة.
4= هل يلزم احضار اوراق او مستندات من بلدي لهذا الغرض ؟
جواز السفر أهم مستند.
5= في حال حدوث أي مشكله لاسمح الله هل الحكومه تعاملك على انك اجنبي ومالك قيمه او مافيه فرق بينك وبين ابناء البلد ؟
المغرب فيه قانون وبالرغم من ذلك فهو بلد عربي والواسطة لها دور ولكن لا تقلق من هذه الناحية المغاربة شعب مسالم
بس خلك حريص ولا تسلم نفسك وتثق بسرعة.
6= هل يسمح لي بفتح حساب بنكي ؟
طبعاً وفي البداية راح تفتح حساب ممكن تودع فيه بجميع العملات الا الدرهم وبعد الاقامة تفتح حساب بالدرهم وللتفاصيل أكثر
أنصحك تقرأ الموضع اللي أنا كاتبه عن الامور المالية بالرابط التالي:
https://www.mza3et.com/morocco26323.html (المختصر المفيد للتعاملات المالية للمسافر للمغرب)
7= في حال الرغبه بالزواج هل يلزم احضار تصريح من بلدي وكم بتكون تكاليف الزواج تقريبآ ؟
ضروري تأخذ موافقة من وزارة الداخلية بالرياض وتكاليف الزواج حسب العائلة اللي راح تتزوج منها
وحسب الشروط اللي ممكن يطلبوها منك وحسب سن العروسة وبالعادة الزواج من المدن الصغيرة والقرى
أقل تكلفة من الزواج من اللي ساكنين بالمدن الكبيرة .
8= هل قيادة السياره هناك تستوجب استخراج رخصة قياده مغربيه او تكفي رخصة القياده السعوديه ؟
تم مؤخراً توقع اتفاقية امنية بين السعودية والمغرب ومن ضمن بنودها الاعتراف بالرخصة السعودية بالمغرب
للزائرين من حاملي تلك الرخصة ولكن بعد حصولك على الاقامة راح تشتري سيارة وراح تكون بأسمك واعتقد
منطقياً في ذلك الوقت المفروض يكون عندك رخصة مغربية لكن الموضوع مو صعب للحصول عليها
أخوي عمر أنت جميل ورائع ولطيف وطيب وقلبك كبير وممتع ومفيد ومثقف ومقابلتك وشرف التعرف عليك عن قرب أصبح إحدى أمنياتي الله يسعد حياتك بكل خير.
__________________
لاتسمع كل ما يقال ولا تقول كل ما تسمع.