من شفتها تمشي وانا مابي خلاف
ويوم وقفت لله در الوقوفي
انا اشهد ان الزين ما هوب عواف
الزين يكمن عند لم الكتوفي
لقيتها في سوق واسع به الاااف
مدري وش اسمه بس سوق الردوفي
المعذره لازم ابين بالانصاف
ولازم ابين وش خفايا حتوفي
من الوكاد ان تقل جاني خفاف
ومشيت ارددهااا يخوفي يخوووفي
لين دخلت قلت اب اشتريلي قلم جاف
دخلت المحلات المعدنيه الهوفي
دخلت في فتحت محلات عياف
ولقيت لي مصري كثير الحلوفي
رحب ونورنا يا باشه ولا عاف
وعزم علي بحلوى وكووووفي
قلت انت وش اسمك بلا لف ولفاف
ومن اي حته من ديار الزروفي
قال ايوى ادحك يا قدع وصط الاصناف
وانا سمير ابن حسام الملوفي
دار الرئيس اللي ليا قال ما عاف
ضيفه مخير بين العقل والخروووفي
قلت ونعم معروف زهاي الانصاف
حسني اليا وعد شي شي يوفي
بين الكلام اللي بدا بالقلم طاف
جنبي وقف سيد كل الخشوفي
يزها العبات اللي غطت ذيك الاكتاف
من زود ما هو زين ماله وصوفي
الخد خد اليرق والعنق ميلاف
والخصر كنه من عشاه معزوفي
ورموشها تشبه شبه الحدب سياف
وحجاج ماهو بالقلام معطوفي
وعيونها تشبه صطى عيون قصاف
طير الشيوخ موردين السيوفي
مبسم ولون ولبس ما هوب شفاف
وطولن موقر ولتفاتت عطوفي
من شفته كنه غدى جسمي انصاف
وهي تناظرني شوي وتعوفي
من عذرها شكلي تقل تاجر اعلاف
ولكن سمير المصري ابدع بحوفي
حاولت اخربها وانا صدق خواف
حتى انجزمت وقلت يهوووه روفي
ويوم اضحكت قلت افزعولي بالاسعاف
واصبح غلاها في حشايا يروفي
قلت انتي اسمج من هنا سيدت القاف
وممكن اعزمج نشرب ثنين كوفي
قالت اوكي نمشي وانا احب الاسراف
قلت قهوه ما غير قهوه وشوفي
حنا جلسنا وابتدت حرب الاعصاف
ما غير اناظرها مناظر لقوفي
قالت وش اسمك قلت انا خوج نواف
اسمً رومنسي لا تردت وصوفي
قالت لك الله انت مزيان بالزاف
قلت نعم طيب وشبلاج يالهنوفي
قالت انا من المغرب وانت عراف
قلت امحق عرف ما انا عروفي
انا احسب انج من الخليج والارياف
اثرك من اللي يودعن الكفوفي
انا من اول ماتمعنت الاوصاف
وانا بقلبي يضربن الدفوفي
عندي خبر باللي بالاسواق ينشاف
وبناتنا ما خضبًن الكفوفي
عيل وش لازمج لبس الارداف
قالت عشان اللي شبيهك يشوفي
ويطيح عندي واتملكه ويعاف
ويرسلي الراتب وسط الظروفي
عيل غلطتي بختياري يا اطياف
لان اكبر املاكي مداون حروفي
انا خذيت من الزمن بس الاسلاف
ديوان ابوي ودلتين الظيوفي
نثرت في وجهها قهوت الطاف
وقمت اذكر الله عسى بي يروفي