المشاركة الأصلية كتبت بواسطة nasser mohammed

منال شرطك صابني منه وسواس
ليش المهر في راس كلبن يماني

يابنت لو حنّا على وقت جساس
جبنا لك الراسين أول وثاني

بالرمح والشلفا على قّب الافراس
يبين فعل أهـل الظفر والجباني

حنا بني الحارث هل الـعّز والبـآس
تاريخهم معروف قاصي ودانـي

عدوّهم وقت اللقاء دوم ينداس
عقب الطمع يرجع بذّل وهواني

شلفاء العريفي ضربها يقطع أنفاس
ورمحه يفّج الصدر بين المحاني

هاذا كلام الصدق ماني بهّلاس
قولن على ب ينطق لساني

تاريخنا بالطيب تدريبه الناس
ماينمّحي لو طال عمر الزماني

لاتقهرين مّعرب الجّد والساس
ماعاش من يقهر عريب المجاني

وش لِك بدم وضرب يارهيّف احساس
ياللّي من الصرصور صـابك جنـاني

وش فيك ماقلتي أبي مهري ألماس
ياأم النعومه والدلع والـحناني

وش عرفّك للسيف والرمح والفــاس
والليل والبيداء وســرج الحصـاني


بقول لـك حـاجه ولا تــدري الناس
من بعد ما ربّي بمثلك بــــلاني

اذا المهر بالراس لك عنـدنا راس
راسن منه تنسين راس اليمانـي