بداية وقت 2

قبل رحلتي الثانية للمغرب بدات اتجول في المنتدى و اعرف اشياء كثير و اتابع المواضيع
و صراحة استفدت كثير من المنتدى رحلتي الثانية كانت بعد سنة بالضبط من رحلتي الاولى
وكانت رحلة عمل ايضا لكن لفترة اطول 8 ايام تخللها اجازة اخر الاسبوع و راح اشرحلكم كيف تمددت الرحلة.

هالمرة كان فريق العمل من السعودية اكبر و عددنا تقريبا 8 اشخاص و السكن كان في كنزي تاور
الرحلة كانت من جدة الى الدار البيضاء و خلاص صرت خبرة في الرحلة دي سبع ساعات من الطيران
رحت المطار مواصل و في صالة الفرسان الى ان تم النداء و معايا زميلي.

وصلنا مطار كازا الساعه 4 العصر بتوقيت كازا و كانت الاجواء باردة زميلي اول مره يروح للمغرب وانا عملت فيها الخبير حق المغرب
والفضل لله ثم للمنتدى.

طبعا كالعادة استقبلتنا سيارة الفندق في المطار و ماغيرنا عملة في المطار على اساس نغير لمن نوصل كازا خصوصا ان اكثر تعاملنا
كريدت كارد.

وصلنا للفندق و قرر زميلي انه يريح و انا على طول رحت على فينيزيا ايس و تكوة الين الساعه 9 قرص بطني الجوع و اكلم خويي
ونروح نتعشى في البالكون و نرجع الاوتيل و نومه للصباح.

في الصباح كان يوم عمل عادي رجعنا للفندق بعد ما مرينا فينيزيا ايس و شربنا النص نص الساعه 10 تعشينا في رامي عياش و من هناك كملنا السهرة في البلاك هاوس و رجعنا الاوتيل و نووم للصباح.

بعد الظهر رحنا المكتب و يوم عمل عادي جدا خرجنا من هناك رحنا تاهيتي اللي في عين ذياب تغدينا و عينا من الله خير ورجعنا للفندق و صحينا متاخر رحنا عالبلاك هاوس دايركت و رجعنا الاوتيل.

بعد ماصحينا من النوم واصل باقي الزملاء من جدة و طنشنا المكتب و جلسة في اللوبي و احد الزملاء مخضرم في المغرب له 20 سنه خبرة قلنا نروح نتغدى في درب غلف احسن كباب تاكلوه غداء متاخر كان و اغنانا عن العشاء و بعدها اتجهنا الى البنجاب و سهرة و رجعنا الفندق و نوم.

طبعا كالعادة كان يوم عمل عادي جدا رجعنا الاوتيل ريحنا وجاني اتصال من مزعوط لدرجة اذا تكلم مغربي تحس انه مغربي قالي انا وصلت و جايك الاوتيل وفعلا جاء و جلسنا في الفندق ما سهرنا.

يوم السبت و هو يوم الاجازة في المغرب اقترحنا نروح مراكش و استاجرنا سيارتين بيجو 406 قيمة اجارها شامله التامين 800 درهم و على مراكش و كان السكن في فندق كنزي المنارة.

طبعا انا و اللي معاي الشباب انبهرنا من الطريق السيار اللي بين كازا و مراكش و نظافة الخدمات و محطات البنزين و صلنا مراكش الظهر و في مطعم يسوي مشاوي و طواجن في محطة افريقيا على مدخل مراكش اتغدينا هناك و بعدها رحنا نعسل في مقهى لبنان او بيروت.

اتجهنا للفندق للراحة و الاغتسال بعدها اتوجهنا لساحة قليز و جلسنا في المقهى الاول اللي جنب زارا اعتقد و تقهوينا و ضحك مع بعض و الطاولات اللي جنبنا و جلسنا لحد الساعه 11 بعدها اتوجهنا الى مطعم في احد الزنقات و صراحة كانت تجربة جميلة و انبسطنا فيها صراحة و رحنا كملنا السهرة في الفي اي بي و رجعنا الاوتيل.

صحينا من النوم و تمشينا في مراكش شوي و رجعنا لكازا ومن الطريق السيار الى عين ذياب و جلسه في مقهى مذهله للمساء و رحنا رامي عياش و كان في يومها معانا احد الفنانين السعوديين في طاولة جنبنا و ضحك و وناسة الى ان قفل المطعم و طردونا و رجعه للفندق.

طبعا في المطعم ذا اليوم صادفتلي طير و احاول معاه يمين يسار مافي اي امل و اصيده عند الباب و احنا خارجين و نظرة ثم ابتسامة ثم ترقيم طبعا محدثكم هنا بدات الزعطه الحقيقية و بدات بوادر عشق المغرب تسري في الجسم.

رجعت للفندق و نمت ولا في بالي ان الطير بيتصل تاني يوم الصباح جاني اتصال و انا في الدوام و رديت و قالتلي انا الطير و تعرفنا و مضت الايام.

اخر يوم في المغرب صحينا من النوم و تجهيز الاغراض للعودة الى جدة تذكرون خويي اللي جاء و قلتلكم تشعر انه مغربي اتصل علي قلي تعال الحين عين ذياب انا في مشكلة و خويي جالس ليوم الجمعه و انا راجع الاثنين.

و اوصل عين ذياب مقهى اسمه المحيط مقابل قصر ابو متعب غفر الله له و جلست معاه و كان معانا صديقة قديمه له و كل ما قلتله ابغى امشي الحق المطار يقلي اجلس و طارت الطيارة و انا لسى في المحيط غرقان.

المهم ادق على الطير و اسلم عليه و قلتلوا ترى اليوم بنروح الخيمة حقت حياة انا و زميلي و معانا صديقته اذا ودك تخاوي و فعلا جاء الطير و جات معاها بنت خالته و سوالف و ضحك و اتعشينا و انطربنا مع الطرب المغربي و رجعت الاوتيل والطير طار لبيتهم.

ثاني يوم الصباح جاني اتصال من الطير قال انا تحت في السيارة البس و انزل طبعا انا صرت اسرع من الطيارة شاور سريع و نزلت للطير و اخذني فرفرني كازا رحنا للحبوس و شربنا احلى حريرة هناك و من ثم اتجهنا لموركو موول كان ودي اشتري بعض الاغراض
و بعد كذا و صلني للفندق على اساس بنسهر سوا في الليل و اقترحت انا البلاك لكن الطير رفض بتاتاً.

و جاء وقت السهرة و خرجت انا و خويي و صديقته و صديقتي ورحنا سهرنا في البنجاب و انا طبعا محتار الطير ذا ايش موضوعه المهم رجعت الاوتيل و نوم و جاء الطير و صحاني الظهر و رحنا الحبوس ثاني مرره شريت قفطان و جلابه هدايا للعيله و اتكلمنا انا وياه و فهمت منه انه مو راعي سوالف و انه هو من عائلة مقتدرة و صراحة كان واضح من نوع السيارة و نوع الملابس و طريقة التعامل بعد ماخصلنا من الحبوس اتجهنا لمول انفا بلاص الجديد اللي في عين ذياب و تمشينا عالبحر بعدين جلسنا في باول و ضحك و سوالف و جاء صديقي و صديقته و ماسهرنا رجعت للاوتيل و الطير طار لبيتهم.

اخر يوم لي بكازا و من بكرة مسافر على مصر للطيران لجدة ترانزيت ساعتين في القاهرة و الرحلة اقلاعها بدري من كازا 2 الظهر خرجنا انا و الطير حقي من الظهر رحنا المدينة القديمة لفينا شوي هناك و بعدين عين ذياب نتمشى على رجولنا و رجعنا جلسنا في البار اللي فوق حق الفندق و استاذن يروح البيت يغير و رجعنا و خرجنا سهرنا في سيناريو.

صحيت من النوم و جري عالمطار با اسرع شيء الحق الرحلة خصوصا ان عندي رحلة عائلية لشرق اسيا بعدها بيومين.

ما يستفاد من الجزء الثاني :

- صرفنا العملة من استقبال كنزي تاور اكثر من مره و كان سعر الصرف يفرق عن المطار و محلات الصرافه قليل
- كل التنقلات كانت عن طريق سيارات من الفندق خصوصا مع التجربة الخايبة للتكاسي
- التوجه للحبوس و المدينة القديمة خطر جدا بمفردك لازم يكون معاك احد من اهل البلد
- موركو مول جميل جدا و يلبي جميع الاحتياجات و فيه فوود كورت جميل صراحة و النافورة الراقصه جميلة ايضا
- الطريق بين كازا و مراكش طريق جميل يبهرك خصوصا الخدمات حتى في حالة التعطل في رقم تتصل عليه و يساعدوك
- استئجار سيارة افضل و هذا اللي تم في الرحلات اللي بعدها
- كنزي تاور اجمل من حياة في السكن

اتمنى اكون افدت الجميع و اذا في قصور سامحوني ترى مو راعي منتديات بسحبيت اشارك في المنتدى حتى يستفيد الجيمع