يا شيخ انا جيتك علـى الفطّـر الشيـب
قــــزّان مــــن دار المـحـبـيـن دبّـــــاب

دبــــا عــلــيّ ودبّ مــنــي بـتـقـريـب
قــل المـواشـي يـــاذرا كـــل مـنـهـاب

مــن دارنــا جـيـنـا لـــدارك مـغـاريـب يــمّــوم نــجــمِ لا تـغـيّــر ولا غـــــاب

متخـيـرك يامـنـقـع الـجــود والـطـيـب
لا خــيّـــب الله لـلاجــاويــد طــــــلاّب

سـلام مــن قـلـبٍ مـحـبٍ بــلا ريــبله يستتبّ الشاب ويشيبّ من شاب

يالـجـوهـر الـنـاريـز يالـعـطـر يالـطـيـب يالصعل يالصهّال يـا حصـان الاطـلاب

يـالـزيــر يـالـزحّــار يـالـنـمـر يـالــذيــب يالّلـيـث يالـلاّيـوث يالشـبـل يـالـداّب

يالضـاري الضرغـام عـطـب المضـاريـب يالـفـرز يــا مـفـراس ضــده والاجـنـاب

يـالـنّـادر الهـيـلـع عـقــاب المـراقـيـب
يــا نـافـلٍ جيـلـه بعيـديـن وأقـــراب

نـطّــاح طـابــور الـعـسـاكـر لـيـاهـيـب
ستر العذارى لاغشى الزمـل ضبضـاب

عيبك الى من قالوا الناس بك عيـب بالسـيـف لأقـــاب المنـاعـيـر قـصّــاب

وعيبك الى من قالوا الناس بك عيب للسمـن فـوق مفطّـح الحِـيـل صـبّـاب

وذبح الغنـم والكـوم حـرش العراقيـب وِإعطى المهـار وبـذل مـالٍ بـلا حسـاب

وبــك شــارةٍ كــب الـفـراد المحـاديـب وبــذل الـطـعـام وللتنـافـيـل كـسّــاب

ونــمــرا تــجــرّه لـلـعــدا والاجـانـيــب تفجـا بـهـا غــرّات ضــدك بالاسـبـاب

ومن عقب ذا بالعون مابـك عذاريـب احلـى مـن السكّـر علـى كبـد شــرّاب

جيناك فوق الهجـن شيـب المحاقيـب لمشـاهـدك يـاشـوق وضّــاح الانـيــاب

الـحـرّ يـضـرب بالـكـفـوف المعـاطـيـب والتّبـع قناصـه مـن الصيـد مـا جـاب

وانــت الــذي تـافـي بـكـل المواجـيـب كنـك هديـب الشـام بالحمِـل عـتّـاب

تثنـي لابــو صلفـيـق مـابـه تكـاذيـب
شيخ السخـا معطـي طويـلات الارقـاب

يامـا عطيـت اللـي يجـونـك طلالـيـب
كم واحد جا لك مـن الوقـت منصـاب

وفرجـت همّـه فـي كـبـار المواهـيـب
مـن عيلـمٍ يزمـي كـمـا يـزمـي الــزّاب

عـز الله انـك طـيـب وتفـعـل الطـيـب
والطيب يجنـى منـك يـازاك الانسـاب

ولاهـو كثـيـرٍ يــا مـهـدي الاصاعـيـب أفعـالـكـم يـعــدّة الـلــي بــالاصــلاب