رد: تقرير عن سفرتنا لدار البيضاء ( كازا بلنكا )
عدنا
هذي قصه الخوي بعد ما غيم قصته يحكيها لي الصباح .
بعد ما صحيت من النوم قام الطير ما يدري وش السالفه حتى ما توادعنا خذ اغراضه وطلع من الى شافه امس من قوه التغيميه كان يهايط وجت على راسه بقوه .
انا صحيت والا الخوي يطالع في اقول له سلامات وش حصل وش ما حصل امس ههههههههه قال توبه من الي حصل لي امس وقام يردد ما عاد يرجع المغرب من الى حصل له امس ههههههه طيب وش حصل قول . قال وش اقول وش اخلي قلت اسلم عطنى العلم وش جاك ههههههه قال امس حسيت انتى بموت ههههههه وجتنى هستره غريبه عجيبه احس بزمن لف بي ورجعنى اتذاكر احداث مرت علي كنت ناسيها من زمان وهو يشرح ومسترسل وانا اضحك ههههه المهم قال قمت تروشت وارجع غرفتى وقام يصلي قال خلاص النفس ضاق وحسيت انى بموت المشكله انه صلى عكس القبله ههههههه . والى زاد الطين بله الشغاله المسكينه الى جت كان يهوجس يقول ليه جت اكيد جت عشان تسوي فينا شي وقام يضرب اخماس في اسداس . يقول لي وهو ساجد يصلي مقرب سكين المطبخ جنبه عشان اذا جت الشغاله يبادرها ههههههه طيب سالته انا وش كان تتوقع حصل لي قال انت حسبتك قضو عليك والحين يبغوني هههههههه الرجال غيم تغيميه على كيفك والمشكله الشغاله المسكيه جالسه في المطبخ ماهي يمه جالسه تتقهوي وهي اول مره تشوفنا ومتخوفه . والخوي الله يهديه عايش في جو ثاني . وانا صراحه ما مسكت نفسي من الضحك هههههه جته ليله غريبه عجيبه . يوم نتكرها نقول الله يسقي ايام كازا .
بعدها على الظهريه تقريبا جانا السواق تعرفون اخر يوم وقلنا له يودينا المطار وكنا ننتظر راعيه الشقه عشان تعطينا الرخصه ماسكتها عندها تامين نتصل عليها تقول انها في الرباط هههههههه يالليل ابو لميه متى تجيين تقول ربع ساعه راح الوقت وهي تقول ربع ساعه . المهم قلنا لسواق ودنا المطار واتصلنا عليها تقابلنا في المطار وتعطينا الرخصه قال اوكي . وصلنا المطار وحاسبنا راعي التاكسي خوينا الاول راعي التاكسي الابيض الى اسمه شرقاوي
وبعدها جت راعيه الشقه وعطتنا الرخصه . دخلنا ختمنا ووننتظر الطايره المصريه تقلع فينا واشوي والى يطلعو لك ممثلين مصريين رامز جلال وطقته ما ادري وش جابهم المغرب وعندهم كل شي في مصر .
بعدها نادو على ركوب الطايره . اقلعنا لمصر المحروسه . وبعدها انتظرنا لين ركبونا طايره كبيره تقريبا ما فيها الا خمسين راكب . اعتقد عشان يحملون فيها من الرياض للقاهره .
وبعدها وصلنا لا ارض الوطن .
وهذا تقرير المتواضع نقدمه لكم عسى من راح لكازا يستفيد منه
والسلام ختام