اليوم الثالث
الساعه ٢ الظهر انهيت الشيك اوت حق الفندق
علما بان موعد الخروج الساعه ١٢ بس الاستقبال مدد ساعتين وهذا شي يحسب لهم ..
خرجنا الى المقهى الملاصق للفندق لشرب القهوة وهذا شي اساسي جدا بالنسبه لي بعد ما اصحى من النوم وخلال الجلسة استشرت على صاحبي الذهاب بسيارة خاصه او بالقطار . فقررنا نروح بالقطار كنوع من التجربة الجديدة وبالفعل دخلت الفندق وخليت الاستقبال يسال متى رحلات مراكش فذكر ان اقرب رحلة ممكن الحقها الساعه ٥:٣٠ العصر تقريبا
اخذنا تاكسي واتجهنا الى ( محطة المسافرون ) علما بأن هناك اكثر من محطة ولكن المسافرون هي الوحيدة الي يطلع منها قطار مراكش
وصلنا المحطة وعند شباك قص التذاكر ذكر لي الموظف ان الدرجة الاولى مليانه مافي الا الدرجة السياحية