ﻻ ﺗﻄﺮﺩ ﺍﻟﻤﻘﻔﻲ ﻭﻻ ﺗﺸﺎﻭﺭ ﺍﻟﻌﻲ
ﻗﺪﺍﻡ ﻳﺎﻛﻠﻚ ﺍﻟﻨﺪﻡ ﻭﺍﻟﺤﺴﻮﻓﻪ
ﺗﺮﻯ ﺣﻜﻴﻢ ﺍﻟﺸﻮﺭ ﻳﺎﺧﺬ ﻭﻳﻌﻄﻲ
ﻧﻔﺴﻪ ﻣﻦ ﺍﻟﺮﺍﻱ ﺍﻟﺪﻧﺎﻭﻱ ﻋﻴﻮﻓﻪ
ﻭﻻ ﺗﻘﺮﺏ ﺍﻟﺸﺒﻬﻪ ﻭﻻ ﺗﺨﺎﻭﻱ ﺍﻟﺴﻲ
ﻋﻠﻴﻚ ﺑﺎﻟﻠﻲ ﻃﻴﺒﺎﺕ ﻭﺻﻮﻓﻪ
ﻣﻦ ﺭﺍﻓﻖ ﺍﻟﻄﻴﺐ ﺷﺮﺏ ﺻﺎﻓﻲ ﺍﻟﻤﻲ
ﻭﻣﻦ ﺭﺍﻓﻖ ﺍﻟﻬﺎﻓﻲ ﺟﻔﺎ ﺍﻟﻤﺎ ﻛﻔﻮﻓﻪ
ﻭﻻ ﺗﻨﻜﺮ ﺍﻟﻤﻌﺮﻭﻑ ﻟﻮ ﺃﻧﻪ ﺷﻮﻱ
ﻣﻦ ﻗﺪﻡ ﺍﻟﻤﻌﺮﻭﻑ ﺭﺩ ﻣﻌﺮﻭﻓﻪ
ﻭﺃﺩﻣﺢ ﺧﻄﺎ ﺍﻟﻄﻴﺐ ﻟﻴﺎ ﺻﺎﺭ ﻣﺨﻄﻲ
ﻭﺃﻗﺒﻞ ﻣﻌﺎﺫﻳﺮﻩ ﻭﻗﺪﺭ ﻇﺮﻭﻓﻪ
ﻭﻻ ﺗﻨﻬﺮ ﺍﻟﻤﺤﺘﺎﺝ ﻻ ﺟﺎﻙ ﻣﺒﻠﻲ
ﺧﺴﺎﺭﺓ ﻓﻲ ﻓﻌﻞ ﺧﻴﺮ ﻣﺨﻠﻮﻓﻪ
ﻭﺃﻃﻠﻖ ﺣﺠﺎﺟﻚ ﻻ ﺃﻗﺒﻞ ﺍﻟﺨﺎﻃﺮ ﻭﺣﻲ
ﺑﺸﺎﺷﺔ ﺍﻟﻄﻴﺐ ﻛﺮﺍﻣﺔ ﺿﻴﻮﻓﻪ
ﺗﺮﻯ ﺍﻟﻜﺮﻳﻢ ﻣﻌﺎﻥ ﺑﺎﻟﺨﻴﺮ ﻣﺮﻫﻲ
ﻣﻦ ﻳﺘﺮﻙ ﺍﻟﻤﺎﺟﻮﺏ ﺟﻌﻠﻪ ﺫﻟﻮﻓﻪ
ﻻ ﺗﻘﻄﻊ ﺍﻟﺮﻓﻘﻪ ﻭﻟﻮ ﺣﺒﻠﻬﺎ ﻟﻲ
ﺣﺒﻞ ﺍﻟﺮﻓﻖ ﻣﻦ ﻳﻔﻠﺘﻪ ﺑﺎﻥ ﺧﻮﻓﻪ
ﺭﺟﻞ ﺑﻼ ﺭﺑﻌﻪ ﻣﻦ ﺍﻟﻨﺎﺱ ﻣﺠﻔﻲ
ﻻ ﺑﺪ ﺻﻜﺎﺕ ﺍﻟﻠﻴﺎﻟﻲ ﺗﺤﻮﻓﻪ
ﻭﺍﻟﻠﻲ ﻓﻲ ﻋﻴﻨﻪ ﻣﺎ ﻳﺸﻮﻑ ﺍﻟﺒﺸﺮ ﺷﻲ
ﺗﺮﻯ ﺍﻟﺒﺸﺮ ﻓﻲ ﻋﻴﻮﻧﻬﺎ ﻣﺎ ﺗﺸﻮﻓﻪ
ﻭﻣﻦ ﻋﻮﺩﻩ ﺣﻈﻪ ﻋﻠﻰ ﺑﺎﺭﺩ ﺍﻟﻔﻲ
ﻻ ﺑﺪ ﻟﻔﺤﺎﺕ ﺍﻟﺴﻤﺎﻳﻢ ﺗﻠﻮﻓﻪ
ﻭﻣﻦ ﺳﺎﻗﺘﻪ ﻧﻔﺴﻪ ﻋﻠﻰ ﺳﻜﺔ ﺍﻟﻐﻲ
ﺻﻌﺐ ﻋﻠﻴﻪ ﻟﻴﺎ ﺗﻤﺎﺩﻯ ﻧﻜﻮﻓﻪ
ﺗﺮﻯ ﺍﻟﻠﻴﺎﻟﻲ ﺗﻄﻮﻱ ﺃﻳﺎﻣﻨﺎ ﻃﻲ
ﻳﺎﻟﻠﻪ ﺑﺤﺴﻦ ﺍﻟﺨﺎﺗﻤﻪ ﻭﺍﻟﻤﺮﻭﻓﻪ !