تعال ياللي، خاطـري منـك زعـلان!
ابيك ترضينـي،ولـو.. بابتسامـه..
صحيح اخذت بخاطري! وانت غلطان..
وش عيشة المخلوق! دون احترامـه!
صحيح احبك موت، واعشقك باجنان..
للحـب شـي! ولاحترامـي مقامـه!
ياليت كل انسـان، يهوالـه انسـان!
ما يجرحه حتى وهـو فـي منامـه..
ماهو يزيده همّ، وجـروح، وأحـزان؟
ويعيشـه بيـن العتـب،والملامـه..
ودي أجيك من الوله حيل! عطشـان!
وتروي خفوقي، يالغلا من غرامـه..
ودي أجيلك، وارتمي بين الاحضـان..
ويذوب قلبي، من دفـاك.. وهيامـه!
ودي احسك، من عنا الشوق ولهان..
ويضيع قلبي، مـن حـلاك بكلامـه..
ياللي خدودك، مالها وصف، وألوان..
ياللي تذوّب، فـي خطـاك الحمامـه..
ياللي لعينك، ينتحر صـف غـزلان..
ياللي لحلاك الليـل، يرمـي لثامـه..
ياللي جمالك، تنفتن فيـه.. نسـوان!
يا ذروة احساس الخفوق،ومرامـه..
صحيح احبك موت، واعشقك باجنان..
للحـب شـي! ولاحترامـي مقامـه!
__________________
بَينْ الضِلوْعّ بَنيِتْ لكْ “ مَجلِسْ غَـلآ”
[ وخَلِيتْ لكْ بإقصىْ خَفُوقِيْ مَسآحآتْ
ومَلكتْ ” صَكْه ” وقلتْ مَرحبْ هَـلآ ,
[ بِاللِيْ مَلكْ “ كِليْ وحَرفِيْ والأبيَآتْ
*****************************
أحـب مـن [ الـرجـال ] اللـي صـبـور لـو زمـانه مــال
وأحـب من ~ يـفـزع ~ لـربـعـه نـهـار الهـم والغـمـي
وأحـب من الـرجـال اللـي ابـد ما يـمشـي و ] يخـتــال [
واحـب من قـال للشـايـب : " صبـاح الخـيـر يا عـمـي "
عبدالمحسن
ابوماجد
اتشرف بتواجدكم بمدونتي الخاصه
https://www.mza3et.com/morocco27289-3.html