فك الزرار عن الثنين المساجين
خل الهوى يطرق عليهن مهبه
لاهب نسناسه من يسار ويمين
إما يطفي الشوق والا يشبه
مابيك تسجنها ليا جيت يازين
اطلاقها عندي دليل المحبه
كم لي وانا ترجاك فيها من سنين
رجوى الجريح اللي على يدك طبه
البعد ماخلا من اول وهالحين
على كثر مشتاق مثقال حبه
انا دخيل الجيد والعنق والعين
واللبه اللي غير عن كل لبه
ان كان مطلقت الثنين المساجين
طالبك تسجني سنه دون سبه