كلن معاه بلاك بيري ب مخـباه
واللي ماعنده قيل ماهوب صاحي
يقـرّب الصاحب اذا منت ويـاه
به فايدة لك مـن جميع النواحي
هذاك مرض وذاك يشكي المعاناة
وهذاك مات وذاك ياناس طـاحي
وخلّك بدونك خالفه حلو ممـساه
ووشهو بدونك ياغناتي صـباحي
مهما بغيت بـداخله راح تلـقاه
ويمكن يفيدك فيه مرشد سياحي
وان جاك هرج ماتبي شوفه انساه
خلك على طول لذا الاشكال ماحي
ترى ردي النفس حذفه هو دواه
ويوم السعد من لستتك يوم راحي
وفي لستتي واحد احبه ولـولاه
اطلقت من عالم بّبيي صراحـي