بعض العرب حبه يوردك الجنون +++ ولا يوصف له غلاه أحكاك له​

ما يقنعه وصف الغلا لو وش يكون +++ لو كل حرف بالحرير يحاك له​

الموت جاك وهو تقلبه الظنون +++ ولا لك إلا الصبر وش وداك له​

أن قلت ضايق قال هونها تهون +++ ما يدري أن ضيقتك له وأبكاك له​

تقعد تحبه وأنت ساكت ومغبون +++ يمكن بيوم يقال له ما أوفاك له​

وكانك مشكك هو يمون أو ما يمون +++ تخيل أن عفت الصبر فرقاك له​

غلاه من فوق الغلا ما هوب دون +++ وحكاه سمعك يجبرك برخاك له​

ودك تحطه في العيون من العيون +++ وتبسط على رمل الثراء يمناك له​

وتظله من الشمس في ظل الجفون +++ ولا يمر أذنه سوى لباك له​

وتسج من غيره لونهم يذكرون +++ ومنين ما سقت القدم ممشاك له​

فلوٍ يميله الترف ميل الغصون +++ غصن ليان ومكرمه بسقاك له​

وجديله إذا أقفى ستر منه المتون +++ كأني بريحه لألتفت لدعاك له​

يزهى الملابس أي لبس وأي لون +++ وفي الليل وجهه لظهر قداك له​

كيك وعسل لكن ما هو في صحون +++ ودعاك من عين الحسود غطاك له​

الله لا يعطيه ناس ينظلون +++ ويستر عليه من النحل لا ياكله​

الوصف والتعبير في وصفه يخون +++ غير أطلب الله يستجيب دعاك له​

وعذال قلبك في محبته يهبون +++ سكينهم عن قطع حبله حاكله​

اللي من لحوم الأوادم ياكلون +++ وحلوقهم دفع البلا متواكله​

ناس عن أعراض العرب ما يعرضون +++ ودايم على نفس الشكل والشاكله​

في سلمهم أولى بالأكل الأقربون +++ وأطيبهم اللي صيدته شكواك له​

يدعيهم الشيطان للذنب ويجون +++ هذا يقطع له وذاك يواكله​

يا جعلهم فدوة ثرى الغض الفتون +++ اللي على الدرب الطويل خطاك له​

طيفه إلى نام البشر زارك بهون +++ وطيفك إلى نام البشر سراك له​

حبه دفان ومقبرة خضر الطعون +++ بين العظام العوج كنك ناكله​

غروٍ يميله الترف ميل الغصون +++ ولا يوصف له غلاه أحكاك له.