حان السفر والاجـازه شبـه محسومـه
للديـره اللـي تحـدد حسـب رغباتـك
وتفـارق القيـظ ياذيـبـان وسمـومـه
وتنسى المشاغل وتنسـى كـل ضيقاتـك
ودامك نويت السفـر بعطيـك معلومـه
تنفعك طول العمر فـى كـل سفراتـك
خوة خوي( ن ) تسر وتعجـب علومـه
ينصحك لاخطيت ويرفى كـل خملاتـك
لا قلت رجال .. رجل ومالـى هدومـه
علـى النقـا خوتـه يصـدق بهقواتـك
كريم وسبلى ونـار الطيـب مضرومـه
وان شرت يمشي حسب شورك ومشهاتك
وان بان وقت الشدايـد بانـت رسومـه
يضيق من ضيقتـك ويفـرح بفرحاتـك
نفسه عن المكـر والسيـات محشومـه
ويبعد عن اللى يعلـك لاجـل راحاتـك
حافظ صلاته وحافـظ حجـه وصومـه
هذا الـذى تذخـره فـى كـل حزاتـك
وابعد عن اللـى بوصفـه كنـه البومـه
اللى تباشـر ليـا مـن شـاف زلاتـك
وادنـاة زلـه يعـدك اكبـر اخصومـه
ولا اخطيت يجحد معاريفـك ووقفاتـك
ولاجل المصالح يبـدل طيـب سلومـه
ويفرح بحزنك ويحـزن فـى مسراتـك
نفسـه رديـه مـن الايمـان محرومـه
ولا يعينـك عـلـى وردك وطاعـاتـك
واليـا زهمتـه ابـد ماتشيلـه عزومـه
ويسـم قلبـك بروحـاتـك وجيـاتـك
مسكين مـا ينقـل همومـك ولاهمومـه
اشلون ترضـى بمثلـه عنـد رحلاتـك
والمدح ماكل رجل ( ن) يقـدر يرومـه
ياكود رجل ( ن ) يعجبك عند ضيقاتـك