وعليكم السلام
اتمنى لك التوفيق في سفرتك

ومن خبرتي بانصحك بالتالي :

اترك عنك سالفه القطار
استاجر سياره من المطار واسعارها من ٦٠٠ و اقل حسب نوع السياره و فيه جيوب من رنجات و طوارق و غيرها و كل شي بحقه
طبعاً الكيلو مفتوح و لاتشيل همه
السياره احسن شي تكون ديزل عشان الصرفيه
وتاكد من نوع التأمين يكون شامل عشان لو قدر الله شي تكون بالسليم والله يبعد الشر عنكم

بتقول ما ادل
انا علمك

خذلك شريحه من المطار و فعلها و شغل النت و اشحنها ب ٣٠٠ ولا ٤٠٠
انترنت
وحمل قوقل ماب ي الشيخ وادعس
طبعا بيطلع لك خطين واحد قصير والثاني طويل
الطويل زراعي و ماعليه ضرايب او انها اقل ( ماقد جيته )
و القصير عليه ضرايب مجموعها اقل من ٥٠

اذا وصولك كان بالليل امورك زينه ادعس و ماحولك رادارات
اما بالنهار يحطون

انواع المخالفات
سرعه الى ١٤٠ ب ٣٠٠ درهم
الى ١٦٠ ب ٥٠٠ درهم
الى ١٧٠ ب ٧٠٠ درهم و اذا تكررت بنفس اليوم ممكن تتحول للمحكمه

اكثر من ١٧٠ تعتبر جنايه و تحول للمحكمه

طبعا الدفع فوري و تستلم المخالفه بالسعر المسجل

اذا كانت امورك بالسليم زلبه و لا تعطيه شي و آخرتها بيقول عطني الي تعطيني وانت لا تكثرها عن ٥٠ ولا ٢٠ بعد


من ناحيه السكن
الدرقاوي ممتاز و رقم البوابه ما يفرق الا بالقرب والبعد من بقاله او مطعم او غيره
مسموح بالطيور
اشوف سعره كويس لكن ما يضر المكاسر

اسعار الذبايح من ٦٠٠ ريال سعودي و حولها

اما موضوع الشقق انا ما انصحك لانها مو امان الا اذا كانت باحد المنتجعات الي له اعلان بالمنتدى لكن اشوف دامها اول سفره لا تجنب عن النخيل الدرقاوي او الروز قاردن لين تفهم الديره و تعرفها

اماكن السهر كثير و ارجح منها
اول شي الياسمين عند الاخ حسن و ممكن تلقى رقمه باعلانه عن الافتتاح

ثاني شي الديوان لكن معاملتهم شويه جافه لكن يعتبر كويس

و تربل فايف لازم تمره وانا ما اقيمه مع الياسمين والديوان لانه ديسكو و نظامه غير و يعتبر افضل ديسكو بمراكش بلا منازع


وسلامتك


وان بغيت شي ولاش راسلني خاص و ابشر