المشاركة الأصلية كتبت بواسطة Abdulraouf

يقول من نفسه جزوعه كل ماهب الشمال
الله يفرجها الا من ضاقت فجوج وساع
كل ماضاقت على اللي يرتكي لأم الثقال
يدري إن الله عوينه وان ذا الدنيا متاع
يامل قلب يفوح كنه بن في وسط الدلال
على زمان يطرح الرجال في وسط النزاع
لاتعديت الهشاش اقتادني جرف هيال
ولاتعديت المدينه ماتعديت الظياع
في وجه أبوك انا دخيلك يامقابيل الليال
جنبيني من صدوفك والخيانة والخداع
اقدر أكون الداهيه وارضي مفاهيم الخيال
بس المصيبه كيف ابرضي من شرب دمي وجاع
المعضله في ذا الزمن انك تحاشا لك سؤال
إجابته ماهي ترد الصاع لك مثله بصاع
ويللي تنشد عن علومي هاك حالي في مثال
وأنت ياوقت الغضب أحسن إلي الإستماع
كن حالي حال عود مارزقه الله عيال
ضاق من لوع الطمان وهو عشيق الارتفاع
كن كبده فيها صالي يزيد الاشتعال
إلا ذكر بأن المعزه للرجال الاجتماع
ابوي يقول الدله اللي نص واردها حثال
ماتطول وجيه عطران الشوارب والشجاع
وانا اقول ان الجبال النايفه تبقى جبال
و احده تغنيك غير الماكل اللي من حلال
شهادة الرحمن قبل تقول للدنيا وداع
وثنتين ماتوخذ بقوه لا ولا تشرى بمال
العافيه والموت يوم أن غيرها يشرى ويباع
والثلاث اللي ترد الطيب عن وجيه الرجال
الفقر والدين ومرافق خبيثين الطباع
وانا احمدالله مالي مع هل الشينه مجال
دامني من صلب شيخ مايطيع الا يطاع
من تقرب لي شبر جيته قبل يزهم تعال
ومن تجنبي شبر جنبت انا عشرين باع