رد: من شآن عينك يهل الدمع من عيني ... اسبوع بين الرباط وكازا
احبتي واصدقائي أعضاء المنتدى اشكرلكم متابعتكم كما أشكر للإدارة تثبيت الموضوع
الحلقة الرابعة
فراق ... فراق ... على حروة فراق ..... ليلي ونهاري ماينطاق
صحينا في صباح ذاك اليوم الجميل وكان الجو روعة ولاحظت على الطير شي غريب مايضحك ومكتم وجوه مو حلو ؟؟ وش فيه ؟ مافيه شي لاتشغل بالك .. ماحبيت ألح اخذت دش وبعد ماطلعت حصلتها تبكي ..!! يؤيؤ ليه عسى ماشر وش السالفة قال الماما تعبانة .. سلامتها قالت تعبانة وراحت للمستشفى .. قلت خلاص اذا تبي تروحي احجز لك على الطيارة الآن لا انا بطلع بالتاكسي قلت براحتك .. قامت تلم ملابسها الا هذا صاحبنا الهواوي جاي ويدخل ويقعد يسولف وين رايحه ومن هالكلام قال اجلسي والله من يوم جيتي انبسطنا قالت انت مبسوط مع الشيهانة قال الشيهانة ماتعطيني حنان ودايم تزعل علي .. وكان في سياق الكلام .. بعد شوي راح الطير للشيانة واعتقد انه على باله يبي ينصح قالها اعطيه حنان ومش عارف كيف .. شوي الا الشيهانة داخلة علينا الغرفة وتتكلم بصوت عالي على صاحبنا الهواوي وطبعاً هو ماقصر رد عليها بنفس الاسلوب وتطور الوضع الى الالفاظ اللي مش ولا بد على دخلت العاشق والحمد لله نلم الموضوع وناخذ الشيهانة إلى غرفتها ونهديها .. ونهدي صاحبنا ياولد اعتذر قال ابداً يابنت الحلال اعتذري قالت ابداً ابي امشي هالحين .. قال خلها تروح .. المهم طلعت من عندنا وهي زعلانة مرررره .. مع محاولات العاشق ومحاولاتي انها ترضى مافيه امل .. الجو تكهرب .. بعد فراق كلاً من الطير والشيهانة جلست انا والهواوي وجهنا بوجه بعض قلت خلنا نروح نشوف مباراة الاتحاد والهلال وكان فيه مقهى بجنب الفندق مادري وش اسمه نسيته جلساته حلوه في الدور الثاني دخلنا وطلبنا شي ناكله الا صاحبنا العاشق والاميرة داخلين علينا وجلسنا نشوف المباراة والحمد لله النتيجة كانت سعيدة جداً بالنسبة لنا ـ وسرى الليل يابو ثلاثة ـ (ترى اتكلم عن الآسيوية مو اللي قريبة ذي) من كثرة الثلاثات قمنا نخربط هههههههه قال الهواوي نبي الليلة نروح للـ VIP نشوف لنا طيرين على كيف كيفك .. قلت ماشي يامعلم رجعنا للفندق وبدلنا ملابسنا على الساعة 12 إلا وحنا نشق طريقنا عبر الفلل والشوارع النظيفة ..!! فرق عن وسط البلد .. ونوصل للـ VIP وكان مكان ظريف كله طاولات مايوجد فيه بست .. تبي تردح على طاولتك .. مليان من الطيور الجميلة وبعضها النادرة سهرنا على أنغام الاغاني المغربية والخليجية واللبنانية وكلاً يرمي سنارته بالنسبة لي انا والهواوي اما العاشق فمعه الأميره الله ييسر أمورهم .. آخر الليل طلعنا بعد ماضبطنا امورنا مع طيرين قمة في الروعة والجمال والاحترافية .. اقول الاحترافية لتمكنهم من عزلي انا والهواوي عن موضوع الظهر واللي صار فيه ... صحينا من بكره الظهر وودعنا طيورنا قال الهواوي نبي نروح لعين ذياب (طبعا اخوكم غشيم في كازا) قلت مشينا .. قلنا للعاشق قال لا انا معي الاميرة ولا انا فاضي لكم .. طلعنا انا والهواوي إلى عين ذياب إلا الجو الجميل الرائع والجلسات اللي ترد الروح والناس الراقية منطقة عائلية 100% جميلة بما تحملة الكلمة من معنى . قصدنا مطعم يدعى (بعلبك) وكان متخصص بالأكلات اللبنانية ولكن أكله الحمد لله والشكر بعدها طلعنا إلى ميامي اعتقد اذا ماخانتني الذاكرة .. وكانت الجلسات فيه قمة في الروعة . وشوي إلا صاحب الهواوي يتمتم .. وش فيك قال تذكرت الشيهانة وقلت بيتين قلت اتحفنا يابطل :
قـــال :
أشرب الدخان وامز الزقارة ... واتلفت من يسار ومن يميني
وان بغيت الصدق في صدري حرارة ... من غزال راح واطلقته يديني
إلخ الابيات .. وكانت ابيات جميلة .
وهذي صور من جلستنا .
بعدها رحنا للفندق وريحنا شوي جانا العاشق قال بنسهر الليلة تخبرون آخر ليلة لابد نفلها وربك يحلها .. قلنا زين وين قال يمدحون البنـجاب .. قلنا مشينا .. بعد ماتشيكنا رحنا للبنجاب وكان عامر بالزاف فل اوبشن وصراحة جوه حلو لكن نفس النظام طاولات بدون بست والكلام نفس الكلام على طاولتك كل شي ولا تقدر تصيد ولا شي كل طير معه عشرين واحد على الطاولة واغلب رواده من اخوانا المغاربة الخليجيين مافيه الظاهر إلا حنا .. وبعد ذلك (الحدث الأكبر في السفره)
اعتذر منكم اخواني عدم ذكره لانه إلى وقت كتابة هذا التقرير لم أستطع تجاوزه وبسببه تعكر جو سفرتنا كلها وجعلنا نعتبرها من أسواء السفرات التي مررنا بها .
اتمنى ان ترجع الحال كما هي عليه .. وان يلتم الشمل كما كان
الحمد لله رجعنا للمملكة على الخطوط المصرية (الله لايعيدها) خطوط سيئة خصوصا برحلة العودة ..
اسف أخواني على الاطالة في التقرير .. وأرجو أن يحوز على رضاكم .