ملاحظات عامه ( اختلاف وجهات النظر لا يفسد للود قضيه) :
@@ لا تنسى صلاتك لانه الشي الوحيد اليومي اللي يربطك بربك والواحد منا ينسى نفسه بالسفر ولا تنسى أمك وأبوك من الاتصال اليومي ويمكن دعوه منها تكفيك الشر
@@للوحداني وأول مره يروح المغرب نصيحه له مني لا تروح الا اغادير لآني اول مره جيت المغرب جيت مراكش وحسيتها ما تصلح أبد للوحداني لأنك راح تضيع فيها والديره متفرقة والسكن ما فيه مصداقيه الصراحه ما اعرف هذا رأيي..
@@الذهاب الى اغادير من كازا لا تفكر الا بالطياره لانه اسهل وأسرع وسيله وإذا بغيت تستأجر سياره خذ من أكادير من الشركات العالميه مثل هرتز وغيرها اضمن وأريح
@@اشتري مفرش كامل للسرير لان النظافة في الفنادق مش ولا بد ومليون واحد نائم عليها قبلك وراح ترتاح نفسيا اكثر لأنك ربع او ثلث يومك تسدح بالسرير خاصه اذا ما كان عندك صاله
@@ لا تأكل من مطعم اتلس مارينا اقصد خدمه الغرف الا ادا كان معك التسمم او الام المعده بكذا خذ راحتك هههه
@@ افضل حلاق اللي وراء مطعم اسماعيل حق ابو العز سعر حلاقه الشعر ٨٠ مع الاستشوار هذا اذا كان عندك شعر وإذا ما كان عندك شعر لا تزعل عزيزي القارىء بالعكس أوفر لك وسعر الدقن وتضبيطه ٥٠ درهم وسعر صنفره الخشه ٥٠ وسعر صنفره الخشه مع بخار ب ٢٠٠ درهم اول ما تدخل سلم على ابو العز وخله يضبطك وادا كان زحمه حلق عند مصطفى بالكرسي اللي جمب كرسي ابو العز / فيه حلاق في المارينا تحت العماره رقم ثلاثه بالزاوية حلاقتهم كويسه بعد ونفس الأسعار
@@ اذا كان عندك ضيف ثابت ولا راح تغيره فيه واحد في الريسبشين اسمه حنين دوامه من ٩ الى ٢ الظهر كلمه خليه يعطيك ورقه دائمة للضيف اللي معك عشان يطلع ضيفك ويدخل اي وقت ولا تحتاج تسجيل الساعه ٨ في الليل وتفل امها عزيزي القارىء بدون تسجيل وقلق وإذا ما لقيت حنين كلم مدير اتلس مارينا اسمه ياسر أشقراني شكله وراح يضبطك ودوامهم كلهم الصباح
&&&&&&&&&&&&&&اهم ملاحظه ولازم كل واحد ينتبه لكلامي اذا رحت الحلاق لا تستخدم أدواتهم حتى لو حلق لك ببلاش جب أغراضك معك لانه مثلا الحلاق اللي وراء مطعم اسماعيل على حسب اللي أشوف ما يستخدم الا موس واحد هو نفسه لكل الزبائن وعمليه تطهير الموس عندهم بدائية جداً ولا تقتل الفيروسات حتى الميكروبات من القهر ما تموت لانه محتاجه درجه حرارته عاليه حتى تموت حوالي ١٥٠ م وانا متأكد اذا حلق ٥ أشخاص أكيد واحد منهم راح يطلع منه دم وما تعرف انت يمكن يطلع منك دم او لا ويختلط دمك بدمه وأي شي عنده راح يكون عندك (وبعده عاد يله قشر بصل) ألدعوه مو وسواس لكن الوقايه خير من العلاج وهذا من خوفي عليك عزيزي القارىء &&&&&&&&&&&&&&&

الهدف من سرد التقرير هو الاستفادة والتوضيح على حسب خبرتي المتواضعة
اي استفسار انا بخدمه الجميع