بالنسبه للمعاملات الماليه والصرافات السعوديه في المغرب وعموله كل بنك منها انا استخدمت اول سفرتين لي لاغادير ثلاث بطاقات صراف لآني كنت موزع فلوسي عليها وفي اخر سفره ومن باب التعلم من الأخطاء والحرص على الميزانية شفت افضل طريقه هي الكاش:
بطاقه بنك البلاد العادية وليست مسبقه الدفع او الائتمانية : سحبت ٢٠٠٠ درهم من صرافة مغربيه / طلع عندي كشف الحساب بالنت ٢١٤٥ يعني اخذو ١٤٥ درهم فايده ووقت الصرف وقتها كان ٢.٥٦ ولو قسمنا ١٤٥ على ٢.٥٦ راح يطلع اخذو بالريال السعودي ٥٤ ريال سعودي مبلغ كبير بالنسبه للسحب اليومي ( يعني على كل عمليه سحب راح يأخذوا ٥٤ ريال ) والسحب مالك الا ٢٠٠٠ درهم وتعيد السحب مره ثانيه ٢٠٠٠ درهم يعني هذي ١٠٨ ريال راحت عليك عزيزي القارىء والله مبلغ كبير اذا كان عندك خيار ثاني مثل الكاش او صرافة فلوسي حقت بنك وفاء..