المشاركة الأصلية كتبت بواسطة broken-arrow

نكمل
طبعا انا من الناس اللي ما تحب تستعجل في الخروج من الطياره لازم يخرجو الركاب كلهم بعدين اطلع طبعا مع انتظار خروجهم ولين طلعت انا صارت الساعه 14:00 دخلنا صالة الجوازات وانا مو عارف شو اسوي مع اني مو اول مره اجي المغرب لكن سبحان الله يصير فرمته في مخي فجأه ههههههههههه واصير كني اول مره اجي المغرب المهم شفت الناس ياخذون استماره ويعبونها اخذت وحده وبدت رحلة البحث عن قلم وجوك اخوانا المغاربه للفزعه طبعا مو عشان سواد عيوني ههههههههههه لكن من باب ما يخدم بخيل بس قلت ما راح استعين فيهم وادور ادور قلم لين شفت خوينا المغربي اللي كان بجانبي في الطياره يسجل الاستماره وابلش فيه وخذيت منه قلم وكان بيروح علمني وش اكتب وبديت اكتب وهو يفسري بعض الكلمات بس كله كوم والاسم ماقبل الزواج كوم لحاله ( يعني لي اسم قبل الزواج واسم بعد الزواج) انتو بيتقيبو الكلام دا منين هههههههههه المهم هو فهمني يعني المقصود اسم الاب المهم خلصت من الاستماره ورحت مسكت طابور عشان الجوازات وانا في الطابور انتظر دوري طبعا يكون في فراغات يمين ويسار طبعا يمرو مزز كانو معانا في الطياره ويتجاوزو الطابور واذا في فيك خير تكلم ههههههه المهم جا دوري ختمت جوازي وعلى طول رحت جهة العفش لقيت عفشي موجود خذيته ورحت عشان اغير عمله نقدي وسألت كذا محل صرافه طبعا فيه فروقات لكن الفرق ما يسوا عاد بعد ماشفت ان الفروقات ما ذاك الزود سويت لعبة حقره بقره هههههههههه واللي تجي عليه اصرف منه المهم جات على محل صرافه اللي فيه تماسيح قلت لا ما ابيه واشوف واحد ثاني فيه مزز واصرف مبلغ 2000 ريال وطلع تقريبا 5122 درهم لان ال 1000 ريال طلعت ب 2561 درهم صرفت وعلى الصاله الداخليه طبعا يكون موجود رجال امن وجيت ابي احط الشنطه في السير واخذ جوازي وقال ما يحتاج سير اخويا المهم وانا رايح تذكرت اني ما اخذت الوصل حق صرف العمله من الصرافه فقلت ابي ارجع للصرافه عشان الوصل قال لي ما يحتاج قلت لا والله يحتاج لاني رايح اكادير وهناك كل مره بسألوني عن الوصل قالي سير سير واروح للصرافه والقى الوصل مكانه واصفطه واحطه في الجيب وارجع اخذ شنطتي وادخل الصاله الداخليه وعلى الخطوط المغربيه عشان رحلتي لاكادير الساعه 16:30


يتبع :maroc (1051):