رد: حلقة المزاعيط - دردشة مزاعيط المغرب
تدري وش اللي يتعب البنت يا ....................؟!
رجـلٍ يخـون اشواقهـا و الـمـودة
اللي إذا احتـاج الغـلا صـار نمـرود
وإلـى شبـع ممـا عطـاه استرده
البنت ريحانة غـلا ... ناعمـة عـود
تبـي لهـا رجـلٍ ورث طيـب جـده
رجلٍ فعولـة كلهـا جـود فـي جـود
ما يلتفـت للـي كفوفـه تمـده ...!!
رجـلٍ إلا جتـه الليـالـي بمنـقـود
يتكـى لهـا مـا بيـح الوقـت سـده
مهوب خبلٍ مـا رعـى للهوى عهـود
وأدناه مـا عـارض طريقـه يـرده
ولا هوب لا علـة ... ولا هـوب ملهـود
ولا شكـوك ... و كـلٍ طـارئٍ يحـده
ما اشين من الرجـال لا جـاك ببـرود
وإن قال له تـرف القـدم شيء صـده
تبـي لهـا بـراق طيـبٍ لـه رعـود
إن اجدبت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل ... وانفاس صدره لهـا عـود
وظلالـه الضـافـي بيـدهـا تـمـده
البنت خد ... وقد ... ونواظـرٍ سـود
وريحة غلاً ... يا سعد مـن شـم نـده
البنت إلا ضحكـت ثمرهـا لـك ورود
يا سعـد مـن يقطـف نواويـر وردة
واللي يهين البنت ناقص ... ومقـرود
فرس غـلا ... ماهـي حمـارة مكده
__________________
ۋقفِتيُ [مِثل] الشجَر [امِۋۋت] بَسُ ، مَاطِيحُ