المشاركة الأصلية كتبت بواسطة خثران
الله أكبر كيف يجرحـن العيـون
...........كيف ما يبرى صويب العين ابـد
احسب ان الرمش لا سلهم حنون
..........اثر رمش العين ما يـاوي لحـد
يوم روّح لي نظـر عينـه بهـون
..........فزّ له قلبـي وصفّـق وارتعـد
لفّني مثـل السحايـب والمـزون
..........في عيوني بـرق وبقلبـي رعـد
نقّض جروحي وجدّد بي طعـون
..........قلت يكفي قالت عيونـه بعـد
وانعطف هاك الشعر فوق المتـون
..........وانثنى عـوده وقفـى وابتعـد
اشغلتني نظـرة العيـن الفتـون
..........حيّرتنـي بالتوعـد والـوعـد
هي تمون العيـن ولاّ مـا تمـون
..........لى خذت قلبي وقفّت يـا سعـد