المغرب وانا اخوك ديره حلوه جداً و اهلها احلى
لكن الدرك والعسكر متعبين شوي
طبعاً اذا كنت نظامي ما راح تبلش بشي ابد
كل مدينه لها نظامها
يعني مراكش عاده يروح لها شله ما يروح و حداني
و شفني اقول عادةً مو دائماً
لانها نظام فلل و منتجعات و شقق غالبا يكون الطابع حقها يصلح لشله
الفنادق موجوده لكن ما اشوف لها اقبال كبير من المزاعيط
تعتبر مدينه حيه و فيها شوي زحمه و تلقى اماكن تاريخيه كثيييير و تقدر تقول ان الديره طابعها تراثي بشكل ملحوظ حتى بتصاميم المناطق الفخمه

اغادير
مدينه ساحليه و هذا الي ساعدها تصير هدف للسياحه الاوربيه و العرب
ديره فنادق و تمشيه ع البحر و طابعها اوربي و حديث و مدينه مرتبه نادراً ما تلقى اختناقات مروريه مثل مراكش
جوها حق مسافر وحداني يحب الفنادق بإطلاله ع البحر مع لمسه فخامه
بتلاحظ اقبال غير الخليجين ع اماكن السهر ( جنسيات عربيه ) و الديسكوات تلقى فيها اوربين يعني جوها يخدم العرب و الاوربين لكن مع شوي ميله للأوربين مو مثل مراكش مايله للخليجين من ناحيه الاجواء الليله
العسكر و الدرك فيها اهدأ بكثييييييير من مراكش و فيها حريه اكثر من مراكش


نجي لطنجه
طابعها اووووووووووربي بحت و عالبحر
ونسبه الخليجين قليييييييييل اذا قارنتها بمراكش
طبعا اغادير تعتبر بالوسط

مدينه طنجه ع حدود اسبانيا و هذا الي اثر عليها

انسى موضوع الدرك و العسكر لانهم نادراً ما تشوفهم
بتقابل في طنجه مغربييين كااااااش و بعضهم حقين مشاكل و صاملين
هي المدينه الي تهرب ال....... لأسبانيا فتشوف مطانيخ واجد هناك


اما ميزانيتك مضبوطه
انا انصحك تستاجر سياره و اذا بتمسك خط بالليل بس عشانهم ما يحطون رادار بالليل لكن انتبه من المناطق المضاءه ع الخط السريييع حاول تهدي اذا قربت منها

ولا تربط نفسك بهاذي المدن
عندك مناطق سياحيه حول كل مدينه و كل منطقه اطلق من الثانيه

البرامج السياحيه الي ممكن تخططها لنفسك مالها حدود
من نظام الصوفي الى المهايطي الى التاريخي الى الزاحف الخ....

اتمنى اني افدتك ولو بشي قليل
و اذا عندك اي استفسار اطمر خاص و من عيوني