المشاركة الأصلية كتبت بواسطة ماردونا

يا طويل العمر خليني اشرح لك الغرف بطريقه هندسية عشان تفهمها أسرع :
الغرفه المفرده تدخل مع باب الشقه على طول يسارك او يمينك المطبخ حسب موقع الشقه والمطبخ فيه ثلاجه كبيره وليست ثلاجه الفنادق الصغيرة بعد المطبخ على طول غرفه النوم اللي عباره عن سرير كنج وإمامك تلفزيون بلازما ٢٤ او ٣٢ بوصه وإذا كنت بالدور الثاني وطالع راح يكون فيه أستريو في الغرفه مع وجود شرفه او ترأس فيها ماصه وكرسيين مطله على المارينا

الغرفه الديلوكس نفس المفرده لكن أوسع شوي وإمام السرير جلسه عباره عن كنبتين طوال وماصه وأشوفها الأفضل للشخص الوحداني وإذا كنت معك فلوس أشوف السويت احسن عشان اذا جيت من السهرة أكيد راح تكمل السهره في الشقه عشان كدا أكيد المكان راح ينحاس بناء على جوك عشان كدا خل حوستك بالصالة وتنام في غرفتك وهي نظيفه عشان تحصى الصبح اقصد العصر وما تتفاجى بالأضرار اللي سويتها بعد الحفله عزيزي القارىء ههههه

مستوى النظافة متوسط وخل الشغاله تنظف الغرفه يوميا دوامهم من ٩ الى ٥ العصر بس لكن لا تخاف من ناحيه النظافة

صراحه من ناحيه الإزعاج سكنت اكثر من مره ما فيه ذاك الإزعاج يعني بالعربي تقدر تنام مرتاح والأمور ذي انت وحظك بالجار اللي جنبك وأقول لا تخاف من ذي الناحية اما اذا تبغى تضمن عدم الإزعاج ما لك الا اماديل او رويال اطلس لانه ممنوع رفع الصوت

الحجز افضل لك محمد عاطي من تجربه لانه فيه مرونه وتعامل افضل راسله في الواتس وهو يضبطك وإذا عطاك الأسعار اكتبها هنا عشان الكل يستفيد ويعرف الاسعار

رحله سعيده