مزاعيط المغرب - السفر الى المغرب - عرض مشاركة واحدة - تقرير سفرتي الاخيره الى عاصمه المغرب التاريخيه (( فاس ))

بوقوس

المشاركات: 1,136

تاريخ التسجيل: Aug 2010

الدولة: الرياض

2011-06-23, 06:08 AM

رد: تقرير سفرتي الاخيره الى عاصمه المغرب التاريخيه (( فاس ))

الجمعه 6/5/2011م

صحيت من النوم وافطارت واخذت لي داش واحلى ترويقه وبعدها كلمت اصحاب ابو راشد وعطوني رقم سمسار واروح ان ويه لراعي مكتب عنده شقق وشفت لي شقه كان مكانه جداجدا ممتاز مقارنه بمكان الشقه القديمه بس كان اثاثها قديم وسعرها 600 درهم قالت مافيه ازين منها قال والله كل شي عامر وبعدين بكره السبت والاحد عطله وكل اهل فاس الي ساكنين برى فاس راجعين عند اهليهم والشقق مليانه قالت خلني بس اطلع من الشقه الي انا فيها وارتاح من وجع الراس صاحبه الشقه ومشاكلها مع حميد راعي التاكسي وعطيته حق ثلاث ايام وعطيت راعي المكتب 500 درهم حق السمسره .

وهذا المكتب

بعدها طلعت على شقتي القديمه واخذت اغراضي وخلصت حسابي مع راعيه الشقه وركبت عفشي وطلعت على الشقه الثانيه
وبعد ما حطيت اغراضي وريحت فيها شوي طلعت اتمشي واتغداء وكلمت صاحب لي متعرف عليه في الشقه القديمه ووصفت له الشقه الجديد وجاني وسهر معي وبعدها طلعنى وتعشينى برى ورجعنى لشقه و نمنت

السبت 7/5/2011م

بعد ماصحيت من النوم كلمت اختي العزيزة على قلبي ام انس ومريتها في البيت واخذنا جوله في فاس وين نروح وين نتمشى واشوف لوحه مكتوب سيدي حرازم وتبعد 30 كيلوا من فاس وساله وش فيها هناك قالت فيه عين مويه وعوائل تشوي وطالعين ينبسطون قالت توكلنا على الله خلنا نشوف سيدي حرزام .
الي شفت في سيدي حرازم عالم معها جوالين وجيوك وقوارير مويه تعبي من العين وعالم جالسه جالسه عائليه ويشوون وفالينها وفي سيدي حرازم سواق شعبي صغير

الي يشرب من سيدي حرازم لازم يرجع لازم

بعد ماتمشين وخذنا جوله في سيدي حرازم مشينى على فاس رجعتهم الى بيتهم وودعتهم
وعودت الي الشقه وريحت الين جت الساعه تقريب 10 اليل وكلمت ابو راشد وقالتله ابي محل حلوا اسهر فيه قالي فيه محل اخبره في فندق تغاس راح وشوف اذا اعجبك ووصفلي المكان
والله ان الي البس واتبوقس واركب سيارتي واطلع على الفندق وكان نايت كلاب تحت الفندق وصلت للباب وقالي ادفع التكت
100 دره قالت للبوديقار انا بشوفه واذا اعجبني راح ادفع خلني اشوف بس يمكن مايعجبني واطلع والله وخلاني ادخل وكان الجو فيه حلوا وكان عامر لانه يوم السبت واجلس فيه طبعن مافيه الا انا خليجي كل الي فيه مغاربه بس ماجى منهم اي شر ابد ولا احد حاول يتحرش فيني لانهم اتوقع يحسبوني مغربي ولا ليبي جلست وصار في انواع المواقف وانا جالس الا واحد داخل والشر في عيونه واشوفه يكلم وحده وكان يسال عن وحده شوي الا واشوفه تالهم مع شوشتها ويسحبها والله يهوا مافي قلبه رحمه دقيقه الا البوديقارات تجمعوا عليه ودخلوا بينه وبين البنت وهو ماسك شعرها ان توقعت ان شعرها بيتقطع كان البوديقردات يسحبونه وهو ماسك شعرها ويالله يالله فكوى يده يوم فكوى يده ويرفعونه عن الارض والظاهر نطلوه نطل في الشارع ان بديت ازرق وقالت ياساتر استر كملت السهرا وبد الشطح وبعدها ولعوا المبات واخذت المقسوم وطلعت على الشقه وكملت السهره

يوم الاحد 8/5/2011م

بعد ماصحيت من النوم وافطرت طلعت ورحت لباب ابو جلود في هل مكان كانك في ساحه الفنا في مراكش نفس الشي بضبط

بعدها طلعت وتغديت ورجعت على الشقه وكلمني اللمبي وقالي كيف الوضع عندك وان مصطي بيرجع الاثنين وش وضع فاس قالتله والله الوضع تمام تبي تجي تعالى تبيني اجيك ولا تعالى ونطلع طنجه الي تبي مافرقت معي قالي اجل عطني ساعه بشاور نفسي وادق عليك قالت وهو كذالك ساعه الا وهو داق على قالي بكره انا بجيك قالت الله يحييك سكرت منه
وانا كنت امس اسال عن نيت كلاب كويس مثل تغاس وقالولي فيه فندق اسمه جنان وانا كم مره امر على هل فندق وشكله مره فخم قالت اجل السهره بكره فيه
جات الساعه 10 ولبست وطلعت تعشيت وخلاصت من العشاء ووصلت فندق جنان على الساعه 12 تقريبا سالت عن مكان النيت كلاب ودلوني عليه ونفس الشي وقفني البوديقار وقالي تكت قالتله برضه خليني اشوف اذا اعجبني جلاست ولا بطلع وانا وقتها كان المواقف حقت السيارات فاضيه ومافيه الاتقريبا 4 سيارات ودخلت بصراحه الديسكو 7 نجوم وكبير وفخم مره بس كان فاضي مرة مافيه الا كم طاوله طلعت وكلمت البوديقار وقالتله ليه فاضي مته يجون الناس قالي خذلك دويره وارجع بعد ساعه ممكن يجي احد قالت اوكي واركب السياره واشاور نفسي قالت اجلس ساعه ولا بس اروح الشقه صفت على اني اروح الشقه قالت موا معقوله في ضرف ساعه راح يمتلي ويبيله وقت على شان يمتلي لانه كبير بصراحه . طلعت على الشقه وجلسة شوي وحطيت راسي ونمت .

الاثنين 9/5/2011م

صحيت من النوم وكلمت راعي مكتب العقار وقالتله ابي فيلا قالي موجوده فيلا 6 غرف وزوينه قالتله طيب اجل خلني اجيك ونشوفها طلعت واخذته من المكتب وافطرت انا وياه شاب حبيب وظريف ورحنى على الفيلا وجلسنا نطق الباب ساعه الين فتح العساس لانه كان في سابع نوم حنى جايينه على الساعه 11.30 تقريبا دخلت الفله والله الفله حلوه ونظيفه واثاث مرتب وشغل عدل قلت بكم قالي 1800 وانا وياه الين قالي 1400 قالت ماعندك مشكله 1400 سعر كويس مره عليها رجعنا للمكتب وكلم راعي الفله وقاله 1400 ساله راعي الفله الي يبي يستاجر عزاب ولا عوائل يوم درا اني اعزب رفض وقال معليش انا ااجر عوئل بس قالت مهيب مكتوبه طيب مافيه شي ثاني ولا شقه ثانيه قالي مافيه شي ابد الحين عطني شوي ادورلك طلعت على الشقه الين الساعه 2 الظهر ويدق على قالي مافيه حصلت حاجه سكرت من عنده ودقيت على راعي الشقه وقالتله بمدد يوم وجاني وعطيته حق يوم وتوكل على الله وحطيت راسي ونمت شوي جات الساعه 4 العصر تقريبا وتجيني رساله من وجه النحس وقالي انا راكب في القطار دابا ومتوقع الوصول الساعه 8 ياليت تشتري لي فوطه لاني نسيت منشفتي في كازا
طلعت وشريت بعض الاغراض وشريتله ذيك المنشفه الواعره هههههههههههههههههههههه ورجعت الاغراض للبيت
و جات الساعه 8 وانا عند المحطه استقبله وكان جوعان بغى ياكلني واوديه ذاك المطعم 5 نجوم الي في حياته ماقد دخل مثله وطلب كل الي في المنيوا ومافيه الا صحون رايحه وصحون جايه غسل ام الصحون غسل مو منك من زين الاكل ومتعود على مطاعم ابو كلب انت وجهك طلعنا من المطعم ورجال يقول بطني بطني واقرب فندق وانزله ويجلس ساعه مختفي عن الانظار المهم صار حاله استنفار في الفندق ذاك اليوم وطلعوا سكان الفندق يحسبون احد مطلق مسيل دموع ويبي يهجم على الفندق وصار انواع الاخبطه
وجالس تتريق على شعبلا كيماوي ياللمبي مسيل الدموع
ورجعنى لشقه وجلس يتريق هو وجه على الشقه السوبر ديلوكس وضحكت عليه ذاك اليوم ضحك خلوه هو الي يقولكم وش سبب الضحك عليه وبعدها جلسنا نتشاور بكره وين نروح لانه جته ام العبيد وقال مراح اجلس في فاس قالت الي تبي طنجه ولا تطوان الي تبي واخر شي اتفقنا على الرباط .
بعدها احلى نوم وكانت نومه الوداع في فاس .

بقيه الايام الي قضينها في الرباط راح يذكرها اللمبي في تقريره مع طريق العوده من فاس الى الرباط

وهذي بعض االصور لفاس

اتمنى اني وفقت في تقرير ونقل صوره بسيطه عن فاس
والى القاء في تقرير اخر
اخوكم / بوقوس

__________________

لا تيق لا تيق حتى تفرز لعدو من الصديق

التعديل الأخير تم بواسطة saadora ; 2011-06-23 الساعة 10:18 AM