الله أكبر كيف يجرحن العيون ### كيف مايشفى صويب العين ابد
احسب ان الرمش اذا سلهم حنون ### واثر رمش العين ماياوي لاحد
يوم روح لي نظر عينه بهون ### فز له قلبي وصفق وارتعد
لفني مثل السحايب والمزون ### في عيوني برق وبقلبي رعد
نقض جروحي وجدد بي طعون ### قلت يكفي قالت عيونه بعد
وانعطف هاك الشعر فوق المتون ### وانثنى عوده وقفى وابتعد
اشغلتني نظرة العين الفتون ### حيرتني بالتوعد والوعد
هي تمون العين ولا ماتمون ### لى خذت قلبي وقفت ياسعد
للامير الشاعر / خالد الفيصل