للاسف اغلبهم يعطون من مبدأ انه عامل مصيبه
او مخالف للقانون لكن لو الشخص قرأ القانون
ومالك وماعليك في المطار امش ولا تفكر في احد

بعد مرور الشنط من الجهاز طلب تفتيشها قلت
خد راحتك انت خدام هنا للامن وعلى راسي
وبعد ما فتش نص الشنطه قال ماكانش اكراميه
صاحبي قلت لا ماكانش كمّل خدمتك والله بيكرمك

ومع تفتيش الجمرك سألني عندك عملات غير المغربيه
قلت نعم عندي دولار وريال ودرهم مغربي انصدم
وقال اشوفهم قلت لا ماتشوفهم وقلت له اش حال كل عمله


وانا رايح للتفتيش نزلتها في البوكس وجاء قال لصاحبه
هدا عندو دولار بالزاف وسمعته قلت ايه عندي ايش المشكل
باقي اشتري هدايا وانا تاعب عليهم مو لاقيهم بالشارع

عديت التفتيش والامور طيبه وكان فيه شخص وراي
الله يسامحه جاي فاقد وماله خلق احد كل ما جاه عسكري
يقول اكراميتك بالشنطه ويفتحون الشنطه وياخذون ماتيسر

فالمسأله تعتمد عالشخص اذا لك خلق تجادل ومعك الحق
او تريح راسك وتمشي وجيبك مخروق مثل مايشوفونك .


وقبل كل شي لازم تكون بارد في ردك وتكون حاضر
قبل رحلتك بوقت اقل شي 3 ساعات عشان هالعينه.