واحد المكلخ هرب عليه الطوبيس و هو يتبعه بطاكسي

واحد المكلخ موصلينه دارهم للمطار. الطريق كاملة وهو كيقول: كون غير جبت التلفزة... كون غير جبت التلفزة
مللي وصلوا للمطار، دارهم طلع ليهم الدم وقالوا ليه: فرعتي لينا راسنا، علاش زعما تجيب التلفزة؟
قال ليهم: حيت خليت الباسبور فوق منها


هادوا جوج مكلخين ف الحبس، اتفقوا يهرسوا الباب و يضربوا العساس و يهربوا. مللي هرسوا الباب، ما بانش ليهم العساس و هوما يجلسوا يتسناوا فيه.


واحد دار إيدو ف الما القاطع و دابت ليه. هو يدخل راسو باش يقلب عليها


واحد المكلخ كان كيصبغ الحيط في دارهوم. قالو ليه: إيوا بعدا على الأقل دير جرنان تحت منك
قال ليهم المكلخ: لا بلاش، راني طويل


واحد المكلخ قال لصاحبه : البارح ما نعستش مزيان في التران
قال ليه صاحبه : وعلاش؟
قال ليه المكلخ: لحقاش كنت ناعس ف البلاصة الفوقانية
قال ليه صاحبه: وعلاش ما تبادلتيش مع مول البلاصة التحتانية؟
قال ليه المكلخ: حيت كانت خاوية وماكانش فيها حتى واحد باش نتبادل معاه


واحد معقول كان غادي وطاح في حفرة
ناض منها وشاف قدامو وهي تبان ليه حفرة أخرى وقال: أوووف هنطيح عوتاني



عشرة دالمكلخين كيتعلموا الربطة ديال الكرافاتة. ستة ماتوا وربعة في حالة حرجة



رباعة د المكلخين داروا مظاهرة ناضوا لبّسوا واحد فيهم الماسك ديال بوش وحرقوه


البركاني خطف البركانية ودارها في الطوموبيل. البنت بدات كتغوت
قال ليها : غادي تسكتي أولا غادي تنزلي
قالت ليه: لا صافي هاني سكت


هادا واحد المكلخ سول صاحبه و قال ليه: علاش الورق ديال الشجر كيسقط في الخريف؟
رد عليه صاحبه و قال ليه: حيت ما قرا والو في الصيف



هادا واحد ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتى ل 500 وغادي يجيك النعاس. خينا مشى في الليل و بدا كيحسب، غير وصل ل 499و هو يجيه النعاس، وهو ينوض وغسل وجهه و رجع للناموسية يكمل الحساب.



هادا واحد المكلخ طاح في الدروج. خرج ليه الطبيب بومادة و قال ليه دهن بلاصة الطيحة. ناض المكلخ كيدهن في الدروج


هادو رباعة ديال المكلخين صنعوا طوبيس كيمشي بالعرض باش كلهم يركبوا القدام



هادو رباعة ديال المكلخين في الجامعة كيكتبوا داكشي اللي كيكتبه الأستاذ في السبورة. منين كيمسح الأستاذ السبورة، كيقطعوا هوما الورقة


هادا واحد غادي يشري 10 دراهم ديال ال، بانت ليه سطافيت و هو يلوح 10 دراهم


هادا واحد قال يا ربي ندير يدي ف جيبي و نلقى20 درهم. منين دار يديه لقى جيبه متقوب. و هو يرجع يقلب لا تكون طاحت ليه ال 20 درهم


هادا واحد معروفة عليه مكلخ شد الدكتوراة. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراة.
قالت ليه مراتة: دق على الخشب.
الراجل دق على الطبلة. و هي تقول مراته: شكون؟
قال ليها: جلسي نتيا، أنا نمشي نشوف شكون


هادا واحد مشى عند مول التلفزيونات و قال ليه: عندك تلفزيونات بالألوان؟
قال ليه لاخور: كاينين
و هو يقول ليه المكلخ : واخا عطيني واحد خضر