لا تشتكي حالك
على كل من جاك
بعض البشر يفرح
إذا قلت مهموم
يخفي سمومه
بين همك وشكواك
يشمت بحالك
والحصيله شقا ولوم
واحذر من اللي
ينقل الهرج لعداك
يظهر لك الطيب
وهو منه معدوم
قلبه مريض
ويخلط السم بـدواك
يعرض عليك الرأي
والرأي مسموم
وابَعَدْ عن إللي
يستغلك لا جاك
تلقاه دايـم
بين الأخيار مذمـوم
احسب حسابك
في كلامك ومعناك
وسط المجالس
كل ما ادليت بعلوم
خل سمعك اكثر
من كلامك وفتواك
تلقى القـدر يمك
من الناس ملـزوم
ولا تذكر افعالك
بما تجود يمنـاك
عنك الولي يدري
ولك الخير مقسوم
وخلك مع إللي
يشتكي لك وينخـاك
بك ينتخي
من ضيم الأيام وهمـوم
خذها وصايا
تسعـدك دوم دنيـاك
واحفظ معانيها
تحفظك من اللـوم

__________________
لاتسمع كل ما يقال ولا تقول كل ما تسمع.