ودع اليأس وسافر واغربي ....... واشتري الحسن في ارض المغربي

واغتنـمها فرصـة يصاحـبي ....... وامـتـع القـلــب بـنـيــل المـطــلبـي

ودع اليأس وسافر واغربي

وفي صباح اليوم الرابع صحيت على الساعة 11 صباحا واحلا فطور نزل بالبلكونة وراس شيشة ولازلنا طربانبن من سهرة امس على انغام أبو طلال .

على الجلسة الحلوة كلن ودع طيرة وضفينا عفشنا وسوينا الشك أوت وركبنا اغرضنا بالسيارة ونوينا نغير الوجهة وكان اقتراح الشباب إلى مكناس وعلى قول محمد عبدة

وبمكناس لنا فيها رواء ....... سهر الليل وجــــرح اللعبي
وبمكناس لنا فيها رواء ....... سهر الليل وشطح اللعبي

وعلى الطريق السيار وديني ومسافة ماهي بعيدة بين قنيطرة ومكناس تقريبان ساعتين أو ساعتين ونصف وحنى بالطريق جانا اتصال من واحد من الشباب حقين المغرب قال أول ما توصلون هناك بتلقون واحد اسمه رضوان بضبطكم بالسكن وقفانا بأحد المحطات بالخط السيار عبينا ديزل واكل بالمطعم حق المحطة وكملنا أول ما وصلنا مكناس اتصلنا على الرجال وتوعدنا عند مرجان وماقصر معنا الرجال كان حجزلنا شقة وعلى طول توجهنا لها .

الشقة بوسط مكناس ( غرفتين نوم - صالة كبيرة - حمامين - مطبخ ) السعر 400 درهم بس ما ارتحنا فيها لنها غير نظيفة قلنا نمشي الليلة فيها وبكرة ندور على رحتنا حطينا عفشنا وطلعنا .

كان الجو روعة على شوية براد وشوي ترشرش مطر خفيف طبعا الرجال جالة اتصال واعتذر من عندنا وقال لازم امشي قلنا على راحتك قال أشوفكم بكرة قلنالة أوكي .

رحنا ندور على مطعم وتعشينا وبعد العشاء جاء وقت الشيشة رحنا شيشنا بعدها قلنا بنسهر وحسب معلومتنا كان فندق زكي الأشهر بالمكان ورحنا الفندق وكان فندق فخم وجميل وفية بار رايق نزلنا مكان الدسكو تحت وكان مكانهم حلو بس ليلة الخميس والجمعة و السبت يكون المكان زحمة أما باقي الأيام يصير فاضي حنى جينة يوم احد وكان المكان فاضي مرة ما كان في حجز ألا لطاولة وحدة فقط ويمكن يجي ويمكن لا قمنا طلعنا من الفندق وتمشينا بمكناس وشرعها ورجعنا الشقة وضبطت راس شيشة وبراد شاهي واحلى روقان أنا والشباب واسترخاء على فلم كنا نبي ننام بدري لان الأيام ألي راحت تلخبط النوم فكانت فرصة حلوة للنوم .

صحينا اليوم الخامس باكرا وضبطت القهوة وتقهوينا ونقز الأخ فاهي قال أنا بروح أشوف شقة غير هذي قلنالة أوكيه غط أبو شباب شوي ورجع قال ليقتلكم شقة قال شيلو أغراضكم قلنا يالله ضفينا عفشنا ورحنا للشقة الجديدة الهي دور في فلة الشقة ( ثلاث غرف - حمام - مطبخ - صالة كبيرة ) السعر 600 درهم مغربي .

حطينا اغرضنا وشور على السريع وجانا خوينا المغربي رضوان وطلعنا معه رحنا فطرنا فطور أوربي مغربي ولا أروع كانت صينة لكل شخص فيها ( زيت لزيتون + زيتون+ قشطة + عسل + مربى + يا طجين بالبيض يا كروسون + يا كوب قهوة يا عصير برتقال ) كل ها الفطور لشخص واحد 20 درهم تقريبا 8 ريال سعودي ملعوب علينا بالرياض فطور زي هذا قالك بـ 40 ريال والله يعز النعمة لأطعم ولا ريحة بعدها احلى مقهى شيشة وعمرنا الراس بعدها طلعنا نتمشى بمكناس للمغرب تقريبا ورحنا بعدها لمرجان تقضينا أغراض طبختنا بالليل .


بعدها أحلا سهرة شعبية مغربية مع رضوان والأغاني المغربية ( خطيرة خطيرررررررررررررررررررة ) وأنت رايح بدينا ندخل مع المغاربة اكثر وبدا الضحك وكان المكان فيه طيور بس بمكناس الموضع في لحسة شوي الطيور يخافون من ألي حولهم لا يصير احد يعرفهم ولا شيء من ها القبيل فكان لرضون الدور الأكبر في التوجيه كلن ورزقته وكملنا السهر إلى 2 بالليل وبعدها للشقة واحلا كبسة لحم بعدها نومة .

صحينا اليوم السادس على الساعة عشر الصبح كلن اخذله شور على السريع وضفينا عفشنا وطلعنا من الشقة وكان رضوان ينتظرنا تحت لنه كان ملزم أن الغداء والفطور عنده بالبيت من أول يوم وصلنا مكناس وهو يقول ألا تتغدون عندي بالبيت وحنى نقوله خيرك سابق وما تقصر والرجل ملزم وحنى ما نبي نرتبط أو نزعج احد والرجال ملزم وبالأخير رضينا بالأمر الواقع يوم كلمتنا أمة وقالت أنا جالسة اطبخ لكم من الصبح اذا ما جيت بزعل منكم قل نالها ابشري وحنى بالطريق لبيتهم وقفنا وشرينا بعض الحلويات لإخوانه الصغار وصلنا بيتهم بحي شعبي قديم أول ما دخلت الحي حسيت راحة غير طبيعة وصلنا بيت رضوان متأخر على الساعة 12 الضهر تقريبا وكان رايح وقت الفطور وقلنا رضوان امك ألي مجهزة تحطه لا تعبها ولا تسوي شيء جديد قال خلاص اجل نتغدى على طول قلنالة تم وجاب المقبلات من سلطات وبعدها نزل الطاجين بالحم والبرقوق والله الذ أكله أكلته بالمغرب والذ طاجن ذقتة بحياتي وحس بطعمة بالساني للحين من لذته يومها دقيت بالنعمة لين ما قدرت أتحرك وكل ما قلت خلاص أبي أوقف ارجع اكل لين ما خلصنا الصحن حنا الثلاثة وبعدها آتاي مغربي هضم شوي من الهبال ألي حنا سوينه بعدها سلمنا على أم رضوان وعطنيها دهن عود وبخور جايبة مع من السعودية وزعنا الحلويات على الأطفال ودعناهم بعد ما تشكرنا من رضوان وأمة وكانت وجهتنا إلى فاس العز

الحلقة القادمة