قصيدة { تغير الحال واصبحت حساس }..
تعبت اكتم علم زاد وتعبني
وتعبت اسمع هرج من اقرب الناس
انا وحيد وفي البشر ماتعرفني
حاير وصاير منقهر وحيل حساس
اشكي لمن وشكوى لغيره تذلني
واحكي لمن والناس ماهي هي الناس
اتغير الماضي وحاضر قتلني
واتغيرت انفاس وراحت انفاس
ياللي غريب وتبغى قربي تعرفني
انا عسل لكن حياتي سم في وسط هالكاس
مدري وش احكي بس كلامي احترمني
مافيه احد يبكي على غدر جساس
المر ذقته وقلت حلو وعجبني
مجبور اجامل لجل ماينطوي الراس
مشيت بقدامي وقلت اعتبرني
خدوم لك ياوقت يامكسر الساس
فيك الفرح جاني ورحل وانتظرني
حزن واسى وطعون من حدة الفاس
__________________
سأظل أتنفس الأمل والتفاؤل وأضيء الكون بابتسامتي رغم كل شيء