اقتباس:
المشاركة الأصلية كتبت بواسطة ابو صلاح
السلام عليكم ورحمة الله وبركاته..
مسيت بالخير اخ عمر، كلام جميل وطيب.. ولكن لي وقفه في جزئية صغيره من ردك الا وهي ((( وقول لهم من طرف عمر الفاسي)))
طبعا هذه المقوله تقال للتوصيه وتحتمل احتمالان: الأول -انها توصيه حقيقيه بدافع ان يحصل الشخص على احسن معاملة (وارخص سعر) كما هو دارج في الثقافه العامه لدينا.
الثاني احتمال انك وسيط تسعى لأخذ النسبه(استبعد شخصيا هذا الأحتمال).
قررت يوم اجرب-قبل ثلاث اشهر- وانا اعرف كازا وشققها من زمان وعندي خلفية عن اسعار الشقق ومواقعها .. قلت خلني اشوف توصيات عمر ..اتصلت على اكرام كازا وانا بشقتي بكازا وطلبت منها شقه غرفه وصاله بالمعاريف لمدة 10 ايام وقلت تراني من طرف عمر الفاسي..ارسلت لي الصور واتس واعطتني السعر ب700 درهم لليله ومستوى الشقه وسط وموقعها بالمعاريف..طبعا كنت وقتها وحداني بشقتي بالمعاريف مقابل التوين قريب من زارا و اخذتها ب600 درهم..
يعني على قولة المصاريه التوصيه طلعت فالسو هههه..
الملاحظه هذي تقرقع بقلبي قلت خلني اقولها.. ونصيحتي ان قبلتها مني ردودك جميله ومنقحه ومراجعه ايضا قبل التعليق بس حاول تحذف منها (من طرف عمر الفاسي)
تحياتي وقبلاتي الحاره
ههههههههههههههههههههههههه ههههههههههههههههههههههههه هه
تقرقع بقلبك ليش طيب ؟؟ كان قلتها لي وأنا اجاوبك بكل صراحة , أنا ما عندي شيء اخبيه ولا أنا من النوع اللي يستحي
طبعا تحليلك يا أبو صلاح كله غلط يعني ما جبت الذيب من ذيله ولا حتى قربت منه . الحين انا ليش اقول قول انك من طرفي
الجواب سهل , انا مالي دخل بالاسعار ولا شيء (اللي ياكل بيده يشبع) وبالتالي اللي ما يعرف يحصل ارخص سعر أو يقبل
بالاسعار بدون مناقشة فهذي مشكلته وهذا رأيي الشخصي. اما بالنسبة للعمولة فأنا والحمد الله اصلا ما اتعامل
مع اي معلن بالمنتدى وسبق لي وقلتها اكثر من مرة خلال مشاركاتي وبكل سفراتي للمغرب أسكن في فنادق ومنتجعات
5 نجوم والوحيد اللي لي تعامل معاه بصفة شحصية من المعلنين هو رشيد من وكالة رشيد كار وهذه المعلومة سبق
وقلتها اكثر من مرة ايضا من خلال مشاركاتي الكثير , السبب اللي يخليني اقول العبارة اللي مو عجباك هي للعناية
بالعميل (سبب رقابي بحت على المعلن) وليس للتخفيض بالسعر لصالح العملاء ولا له دخل بالاسعار نهائياً. لو تلاحظ دائم
اكتب واركز على تسجيل الحجوزات بالقسم الخاص بذلك, ووجود التوصية بالتسجيل مع وجود توصية لصالح العميل يخلي العضو
يشعر بلسمه شخصية بينه وبين المنتدى وخصوصا اننا ما نعرف بعض ولا فيه تعامل انساني بيننا وكله على الويب وفوقها يخلي المعلن
يكون حذر, لانه في حالة التقصير ما راح يكون فيه توصيات لصالحة وبدون ذكر اسماء , المعلن متابع جيد لكل ما يكتب عنه ولما ما اكتب
توصية عنه لما احد يسألني عن مدينته اللي يخدم فيها تلقاه يتواصل معايا مباشرة وانا اذكرة له او لها ما كان منهم من تقصير وهذه هي طريقتي بالتعامل
مع الناس, أبو صلاح أنا اسافر للمغرب من 1989 ميلادي ولا عمري نزلت في شقة ولا فيلا ولا منتجع من منتجعات النخيل
المعروفة للخليجيين بل بالعكس اي مكان فيه خليجيين ابعد عنه بشكل نهائي ولا حتى اسهر في الاماكن المعروف ان فيها تجمعات
خليجيية كبيرة والحمد الله رب العالمين ما عندي اي مشاكل مع المغاربة ولا حتى عمري شفت اي مشاكل بالسكن لاني اعرف وين
اسكن . أمل تكون الصورة واضحة بالنسبة لك وتعرف ان تحليلك ما كان في مكانه , هذا غير انك استخدمة لفظ سوقي لا يليق
فيك ولا في خبرتك بالمغرب .. ملاحظة أخيرة الاعلان بالمنتدى ليس معناه ان هناك عروض خاصة للاعضاء ولك تحياتي.
__________________
الـراحـة الـنـفـسـيـة تـبـدأ عـنـد كـاونـتـرات الـجـوازات
التعديل الأخير تم بواسطة عمر الفاسي ; 2016-01-27 الساعة 09:24 PM