طبعاً الموضوع مايحتاج تحذير لانه ما كاينش اي خطر
اسألو مجرب
خلوني اكمل لكم القصه ديالي وان شاء الله توصل كامله
مثل ما سبق قلت لكم كنت اتمشى عند المنار مول الجديد على طريق محمد السادس
جاتني بنت ( هـہ ͟ ـلاً ` بالعيال ) و سالتني من وين وليه جاي المغريب الكبيدا و اسئله عامه و عرضت على المشاركه معها بمسابقه طبعا صاحبكم حس ان الموضوع شويه غريب
المهم سالتني ماهي المدن الثلاثه السياحيه بالمغرب ؟؟
اكيد اني عارف الاجابه لكن تعمدت اجاوب خطا وهي تحاول تقرب لي و انا عامل نفسي غبيييييييييييي بعد عده محاولات طفشت مني وقالت الاجابه الصحيحه كذا وكذا و انت فزت معنا بإقامه مجانيه لمده ثلاث ايام في منتجعات مختاره بالمغريب ، كيييييييييف ؟؟
طيب انا جاوبت غلط قالت عادي انا قربت لك الاجابه وانت تستحق الجائزه !!!!
مالكم بالطويله قعدت احقق معها وهي بس تبغاني اروح استلم الجائزه و اخذت معها نص ساعه حتى نشف ريقاها و قالت تبي العلم الوكاد خويا انا طالبه في الجامعه مدري وين قالت لي بس مش في مراكش و تقول انا مشاركه في برنامج سياحي تبع شركه سياحيه و مشاركتي فيه تعبر مثل التطبيق للتخصصي الي هو تسويق و كل عميل اجيبه للمكتب احصل على نقاط تفيدني بالجامعه و بالمقابل العميل يحصل على ثلاث ايام مجانيه في احد المنتجعات المختاره
لكن ، ايوه هنا المهم لكن ايييييش
قالت لكن مدير المكتب بيعرض عليك الاشتراك معهم في احد الخدمات و بيحاول فيك بشتى السبل و الوسائل انك تشترك و يمكن تاخذ وقت معاه
قلت خلاص انا ما الي الجايزه ههههههههههههه
قالت انا علمتك كل شي و طولت معاك و اتمنى انك بالمقابل تروح معاي للفندق الي فيه المكتب حق الشركه السياحيه و بكذا انا احصل على النقاط الاضافيه الي تنفعني بالجامعه وانت بكيفك تشترك ما تشترك اهم شي انك تروح معي و يسجلون لي اني احضرت عميل لهم و خلاص
بعد تفكير طويل دام لمده عشر ثواني غلب عليه اللقافه و الفضول ابي اعرف وش الموضوع كله لاني دايم اواجه هذه العروض و اتجنبها و من جهه اخرى الفراسه الي عندي اكدت لي ان البنت صادقه فقلت خلني اروح معها اشوف وش صاير و هي تكسب نقاطها
قلت يله اركبي مشينا
و توجهنا لفندق البهجه الي قريب من ديسكو كاش و دخلنا الفندق و على الدرج للدور الثاني و دخلت مكتب الشركه و استقبلي المدير طبعا البنت الي معي اخذت شويات و استأذنت ( اخذت الي تبي ) وانا قعد مع المدير و جابلي قهوه و بدا يعرض علي الاشتراك معهم و كان مبلغ الاشتراك ١٠٠٠٠ ريال سعودي سنوياً
و الخدمات المقدمه كالتالي
سكن لمده ٢١ يوم في احد المنتجعات المختاره في انحاء العالم محاناً طبعا السكن ل ٤ اشخاص او اقل
خصم ٥٠ ٪ على نفس المنتجعات عند انقضاء ال ٢١ يوم المجانيه
خصم ٣٠ ٪ على رحلات الطيران على بعض شركات الطيران منها الخطوط السعوديه و القطريه
خصم ٣٠٪ على فنادق مختاره من خمس الى اربع نجوم منتشره على انحاء العالم
تنسيق سفر مجاني لجميع رحلاتك
يعني تدق عليهم و تعطيهم يوم الذهاب و الاياب و وين تبغى تسكن و الباقي عليهم يدبرون كل شي لك و بالخصومات الموضحه سابقاً و بعدد لا يتجاوز ٤ مسافرين
المهم طلبت اتاي و بعده اتاي و بعده قهوه و بعده اتاي و هو ما خلص كلام للحين
اخر شي بعد ما دوخني قلت له وين الجايزه حقتي الاقامه ٣ ايام مجانيه
قال يعني مافيه مجال تشترك معنا ؟؟!!
قلت انسى الموضوع انا ما اثق باي جهه سياحيه بالمغرب الا بعد ان يزيكها منتدى المزاعيط و ما سبق ان المنتدى ذكر الموضوع هذا
قالي في احد الاعضاء اشترك معنا قبل فتره !!
والله مدري ي البناخي شكلك تعطيني من الرخيص
وقالي العرض موجود و متى ما حبيت تشترك تفضل هذا كرتي و كلمني و ممكن انك تستفسر في منتدى المزاعيط و شوف ايش رايك ( شكله صامل )
المهم دوخني ساعه و نص وهو يتكلم و انا اشغلتهم اتاي و قهوه و اخر شي عطاني الكوبون فيه جميع معلومات الشركه و مختوم و يقول بواسطه هذا الكوبون تستطيع الحصول على الاقامه المجانيه خلال سنه من تاريخه و لازم تكلمنا قبلها ب ثلاث ايام و تعطينا رقم الكوبون عشان نحجز لك المنتجع
طبعا الكتابه الي على الكوبون فرنسيه ما فهمت منها شي
اخذت الكوبون و رحت انام دوخني الله يجزاه خير ما سكت
و هاذي السالفه كلها و اتمنى اني ما طولت عليكم ههههههههههههههههههه ما يمديها صح
و سلامتكم