مزاعيط المغرب - السفر الى المغرب - عرض مشاركة واحدة - تقرير بسيط مع شوية ملاحظات وشويت نصائح

محب الخير

SNAP

المشاركات: 138

تاريخ التسجيل: Feb 2015

2016-02-02, 02:14 PM

تقرير بسيط مع شوية ملاحظات وشويت نصائح

السلام عليكم ورحمة الله وبركاته
صباح الورد / مساء الورد
اولا احب اشكر كل القائمين على هذا المنتدا الرائع واللي استفدة منه الكثير
في رحلتي للمغرب
وجميع من ابدا لي الراي في كل الامور
شكرا لكم
نبدا بسم الله ...
هذي الرحله ثاني رحله لي الي المغرب
تم الحجز علي الخطوط المغربيه من جده الي كازا وهذي اول مره واخر مره احجز علي الخطوط المغربيه
اول مره اشوف طياره جنحانها تلعب في الهواء .. تم الاقعلاع من جده الساعه 1 الظهر
ووصلنا كازا الساعه 6 المغرب بتوقيت المغرب
طبعا تم التنسيق مع الاخ العزيز ابو مالك (الشمري كار) الله يبيض يوجه على تعامله الطيب ودقة المواعيد
اخذنا من ابو مالك رنج ايفوك بسعر جداا طيب ...
اول ماوصلنا المطار وخلصنا الجوازات والجمارك صرفنا الفلوس من المطار بسعر 2.60
استلمنا السياره وعلى طول على طريق السيار الي مراكش الحمرا
وكنا في وقتها منسقين مع الاخ يوسف احد العاملين في الدرقاوي
جهز لنا فله 3 غرف بسعر 3300 لليوم
وطبعا التخطيط للرحله كان 12 يوم فقط وتم تمديدها الي 22 يوم هههه
الرحله طويله والمواقف الجميله كثيره ومايسعني ان اذكرها كلها
لاكن عندي بعض الملاحظات
اولا البوليس
لاحظت ان الشرطه في المغرب يحبون شي اسمه خليجي وخاصتا اذا كان معاه سياره فخمه
على طول يوقفونك ويخترعون لك مخالفات ماتدري من وين جابها ويقولك تدفع 700 درهم قيمة المخالفات
اذا شافك تعرف النظام وماعندك اي مشكله قالك تشجع الهلال والا النصر هههه وراح يسالك عن احمد بهجه ههههه
يبغا يطلع منك في اي شي واذا مااعطيته قالك سير اخوي هههههه
ثانيا كثرة الاطفال الخلجيين في اماكن السهر واشكالهم تكسر الخاطر في اخر السهره
مدري وش جابه في المغرب ووين اهلهم عنهم ومن وين جاب الفلوس والمشكله انه يكون فريسه سهله للنصابين
.....
بااختصار البلد جميله وتستاهل الزياره لها اكثر من مره ...
وبالنسبه للنصحيه للي حاب يسكن في النخيل
يحجز من المكتب الاساسي للنخيل وموقعه وانت داخل على النخيل عند البوابه 4 على يدك اليسار
اسعارهم جدااااا مناسبه افضل من الدرقاوي بكثير
يعني الفله اللي اخذناها من الدرقاوي ب3300 عندهم ب2200 مع الشغاله
وطبعا حنا ماكنا نعرف حتا دلنا احد الاشخاص عليهم الله يجزاه خير
واعتذر عن الاطاله
وبحاول اضيف لكم بعض الصور التي تم التقاطها في الرحله