ياجماعه يعلم الله اني ما انحاز لاحد و اذكر ماشفت ..

الدفع عن طريق الجهاز بس بزياده عموله مثله مثل اي جهاز بالعالم و ماتتعدا ال١٠٠ درهم !

و البوابين ماشفت منهم الا سلام وعليكم السلام .. ان عطيته خذا و ان رديته سكت .. لا طبخنا عشانا عطيناهم منه و لا طبخنا غدانا عطيناهم منه و احتسبوها اجر و صدقه ..

و الصوت ارفعه قد ماتبي و محد يكلمك و الباركنق امان للسياره و بكل زاويه واحد ..

مع سرد الاحداث صارت لنا مشكله مع طير قعد نص ساعه و بدا يتغلا و يتزعل لو تقوله شلونك قال ليش تقول هالكلام !

و قال ابي حسابي كامل بمشي ماني قاعد دقيقه ..

بكل بساطه ناديت السكيورتي اسمه خالد .. ياخالد شيله يسوي مشاكل و تراني مااعرف خالد ولا يعرفني .. شاله و قطه بالشارع و عطيته اكراميه من طيب خاطر و من غير طلب ١٠٠ درهم و سلامتكم ..

و يوسف تلفونه مفتوح ٢٤ ساعه حتى الفجر اتصل عليه و لو تقوله بواب مايبي يدخل طير ولا مسوي مشكله يغسله لك و يسحبه من اذنه ..

الكلام كله من باب احقاق الحق و الله على ما اقول شهيد ..

و دمتم بود