المشاركة الأصلية كتبت بواسطة `ابو ماجد'

نفس سؤالك هذا سألته للموظفة في مكتب صرافة في اقادير شارع الحسن الثاني المكتب تبع وفاء بنك قالت افتح لك حساب عندي في المكتب وخذ بطاقة صراف تسحب في اليوم لحد ٦٠٠٠ درهم قلت واذا إنسحبت البطاقة؟؟ قالت مسموح لك لحد خمس بطائق مجاناً اعتقد اسمها بطاقة فلوسي ونصيحة لا تحط كل فلوسك فيها حط لعدد ايام رحلتك كل يوم ٦٠٠٠ فقط وخلي باقي الكاش السعودي معاك وفي نهاية السفرة اذا زاد كاش مغربي معاك(وما ظنيت يزيد ههه) وانت راجع اسحبه من المكتب كاش وفي المطار وانت راجع خلي معاك الف درهم فقط والباقي خله في الشنطة الكبيرة يمكن تطيح في واحد غثيث ويلزم عليك تفتيش الشنطة الصغيرة واذا رجعت بالسلامة ان شاء الله حول الفلوس والا خليها للسفرة الثانية لأنك كذا كذا بتغرز في المغرب والله العالم.
عن نفسي قلت للموظفة خلاص برجع السكن واجيب الفلوس واحطها في حساب عندك وإنشغلت ذاك اليوم ونسيت الموضوع وفي النهاية خليت جزء من الفلوس في شنطة الخصر "الحزام" وباقي الكاش السعودي خليته في مكان سري في السيارة لكن اخر يوم كنت في النخيل مراكش فهيت وخليت الكاش المغربي في الغرفة على الكُمدينة في الفلة وطلع الحارس علشان يشيل الشناط وشافها وزرف منها ١٨٠٠ درهم لكن ما انغبنت عليها لانها غلطة مني ما لأمها داعي لكن انغبنت على اربع فلاشات كانت على السماعة وزرفها الكلب ولما اصريت انه يطلعها طلع اثنين بس ولضيق الوقت نسيت اكلم ابو ادم اللي اجرني الفلة ولكن بإذن الله برجعها طالع له ان شاء الله يوم ٢٥ فبراير واعرف كيف اطلعها من عيونه اتمنى اني افدتك وفي النهاية نصيحة مهما تفلها مهما تحس نفسك خربتها لا تنسى تحافظ على صلاتك