رد: حلقة المزاعيط - دردشة مزاعيط المغرب
انا بعد بقولكم قصة بس اعتقد انها محزنة شوي ..
هذا فيه واحد مسكين شايب ساكن بضواحي مدينة الرياض حوالي 30كيلو يبعد عنها وعنده بنت وحيده جابها على كبر عمره 50 يوم جته البنت والآن البنت عمرها 17سنة المسكينة ذاك اليوم تعبانة مرررره .. عطوها مسكنات مانفعت قال يالله مشينا اروح انا وانتي للمستشفى وهم بالطريق الترابي قبل مايوصلون الطريق السريع تعطلت سيارتهم .. نزل منها وراح للطريق السريع يقول ان شاء الله احد يساعدني وانقذ بنتي ماحد وقف له الا ذيك السيارة (كامري) فيها اثنين شباب ... وقفوا .. وش فيك ياعم قال تكفون الفزعة بنتي راح تموت افزعو لي قالو ابشر وينها قال سيارتي هناك متعطلة وهي فيها راحوا واخذوا البنت ويوم مشوا على الخط قال تكفون ياجماعة نسيت دفتر العائلة (إثبات الشخصية الخاص بالعائلة) بالسيارة نبي نرجع نجيبه قالوا طيب ...
يوم وصلو للسيارة مايدري هو ينزل ويخلي البنت والا ينزلها اتكل على الله ونزل ويوم فتح سيارته واخذ الدفتر الا الكامري يوم تحركت .. (هربوا بالبنت) ويركض وراهم ياهيه تكفووووووون يرحم والدينكم .. بنتي راحووا وخلووه ..
وهو يركض يركض بكل قوووته .. لين وصل الطريق السريع الا هذي سيارة (أمن الطرق) جايه وقفهم تكفون بنتي خطفوها اصحاب كامري .. قالو اركب يالله مشينا ...
بلغوا الدوريات قالت وحدة من الدوريات الكامري امامي تمشي قالوا طاردوها ... وقاموا يطاردونها المهم صاحب الكامري يوم شاف الوضع مو بصالحه قال لخوية وش رايك ننزل صحراء علشان نضيعهم .. قال حل مناسب انزل ..
نزلوا صحراء مافيه فايدة سيارات امن الطرق افضل من سيارتهم وخصوصاً بالصحراء ..
قال واحد من الشباب اللي بالكامري وش رايك نرمي البنت علشان نشغلهم بيها واحنا نهرب قال الثاني حل مناسب افتح الباب وارميها . والسيارة تمشي 160كلم ... حسبنا الله ونعم الوكيل ..
المهم رموها .. قال ابوها وهو بسيارة أمن الطرق وقفوا بنتي بشوفها تكفوووون ماعلي منهم ابي بنتي بس .. وقفوا وراح الأب لبنته للأسف المسكييييين ...
حصلها نايمة على وجهها وعليها غباااار .. تقطع قلبة ...
وهو يقلبها .... إلا هـــــي
بنت الهـــــاص
