عرض مشاركة واحدة
 الصورة الرمزية مسافر لوتي
مسافر لوتي
مزعوط قدير
المشاركات: 229
تاريخ التسجيل: Sep 2015
الدولة: بين الرياض و واشنطن
مسافر لوتي غير متواجد حالياً  
قديم 2016-03-09, 02:20 PM
 
لله مراكــــــــش الغراء من بلد ..... وحبذا أهلــها السـادات من سكــن


ان حلها نازح الأوطان مغترب ..... أسلوه بالأنس عن أهل وعن وطن


ابن جزي


بعد خورجنا من طنجة كنا محتارين بالوجه يا مراكش يا أغادير طبعا من طنجة إلى مراكش فيها من 6 ساعات إلى 7 ساعات بالسيارة وأغادير زد عليها ساعتين وقفنا عند محطة البنزين عبينا السيارة وتقضينا بعض النثريات من السوبر ماركت ورجعنا للخط وعلى الطريق السيار واحلى طرب وروقان على تشكيلة من الأغاني المغربية والطربية تمر عليك لوحات المدن أصيلة وبعدين العرائش وبعدين تمر على مؤلاي بوسلهام وبعدين قنيطرة وبعدها الرباط ومن بعد الرباط الجو تغير علينا قلب الجو ضباب على الساعة 11 ونصف ليلا من كثافة الضباب صرنا نمشي بسرعة 20كلم بالساعة إلى سرعة 30كلم بالساعة جلسنا على هذا الحال حدود ساعتين وأول ما عدينا المحمدية بدا يخف الضباب في هذه اللحظة قررنا أن نروح مراكش لان بدينا نتعب وكلمنا واحد من اصحبنا المغاربة كان عايش بالسعودية لفترة طويلة ورجع للمغرب قلنالة جاي لمراكش ونبي سكن قال أي يوم قلته بعد ساعتين قالي تستهبل من اجيبلك سكن قلتلة كلم أصحابك قال خلني أشوف وارجع أكلمك قلتلة أوكيه عشر دقائق ويرجع يدق علي قالي يا حظيظ لقتلك شقة من غرفتين نوم وراء سكة القطار أمنة ونظيفة قلتلة احجز قال خلاص هذا رقم الرجال كلمة وأول ما توصل واعدة عند سكة القطار وانا مفهمة الشغل وانا أشوفكم بكرة قلتلة أوكيه وكملنا الطريق ألي مراكش وصلنا مراكش على الساعة 4 ونص الفجر دخلنا مراكش كلمنا الرجال وجاء ودنا الشقة نزلنا سلمنا مفتاح الشقة قلتلة حساب الشقة قال تفاهموا مع صاحبكم مروان قلتلة أوكيه وتشكرنا منه لنا وصلنا وبعدها دخلنا الشقة ونوم على طول .

اليوم الثامن عشر مراكش الحمراء صحينا على الساعة 12 الضهر وفتحت العزبة واحلى قهوة وكيفنا الراس براس شيشة وبدينا نتفحص الشقة ( غرفتين نوم - مطبخ مفتوح على الصالة - حمام - بلكونة صغيرة ) سعر الإيجار 1100 درهم لليوم بدون خدامة بعدها لبسنا ونزلنا ندور مساج وحمام مغربي لحنا واحد عادي مو معروف وكان مساجهم وحمامهم عادي جدا خلصنا من عندهم كان الجو هواء بارد وحنى لبسين شورتات ومصيفين وبعدها رحنا تغدينا بمطعم شعبي شغل كفتة وحريرة وشوي قدامك اكل لبناني وبعدها اتصل علينا مروان قالنا وينكم قلنا له تونا مخلصين غدا بنروح نشيش قال الوعد سكاي ألي فوق التربل 555 قتاله أوكيه .

جلست مع صحبنا طبعا بعد ترحيب وتهليل وصلنا فترة طويلة ما شفنا ودخلنا بالسياسة شوي والتجارة شوي وبالطيور شوي وسالفة تجر سالفة لين ما مرت ثلاث ساعات واعزمنا على العشاء عنده وقلنا له جائن نبسط لا تخلي الموضوع رسميات طبعا الرجال متزوج وما هو راعي سهر ودعنا الرجال ورجعنا للشقة بنغير ملابسنا ونطلع وأول ما وصلنا للشقة أنا أموري تلخبطت حسيت بدوخة قلت للشباب أنا ما توقع اطلع معكم اليوم أفا ليش وشفيك قلتلهم تعبان أبي أريح وروحوا فلوها طبعا أنا دخلت نمت وما احس ألا الشباب جائن على الساعة 6 الصبح ومعهم طيورهم واحد من الطيور جاي صاحبة معاه كمل سهرة إلى 11 الصبح وانا رجعت نمت يوم هدا الجو وطلع وألقا خوي بالصالة قالي احسن قلته احسن وقلتلة أنا بكمل نوم بالصالة وأنت اخذ الغرفة لان الشقة غرفتين وحنى ثلاث أشخاص قال أوكيه جابلي المخدة والبطانية وجاب لصاحبة الطير ألي معاه مخدة وبطانية طبعا أنا المرض لاعب فيني والحرارة عالية ماني حاس أن في احد نائم معي بالصالة بس جزاه الله الف خير كل شوي تقوم تغير لي الكمدات وترجع تنام .

اليوم التاسع عشر طبعا اليوم هذا يوم للنسيان في حياتي خارج الخدمة حتى يوم صحو الشباب جلسوا معي بالصالة حاولوا يحرشوني يبوني أقوم واطلع معهم قلتلهم وضعي ما يسمح وانا شبيت عليهم يطلعون طلعو تغدو وجابولي غدا معهم وشرهتكم على اكل منه شيء طبعا ذاك اليوم الشباب رفضو يسهرون برا عشاني وسهرو بالشقة وانا بس عيوني شغالة جلست معهم شوي بعدين هي النومة .

اليوم العشرين صحيت على الساعة 10 الصبح ولا أنا أموري احسن لان بالليل تغطيت بأكثر من بطانية وعرق جسمي وبعدها أحلا شور وبديت اصحصح و جوعان بشكل غير طبيعي طبعا ضبطت القهوة مع التمر ودقيت فيها لين ما صحو الشباب وتقهوا واجتمعنا وقالو الشباب الموضوع لك اذا تبينا نمدد بمراكش جلسنا اليوم او نمشي اليوم لوجهتنا قلتلهم نمشي لنها ما هي أول مرة أجي مراكش جيتها من قبل كثير وبرجعلها قريب أن شاء الله ضفينا عفشنا وكلمنا صحبنا مروان ورحنا تغدينا معاه بفيروز وحسبناه على الشقة وجلسنا نسولف شوي من ضمن السوالف أن في مول جديد فتح بمراكش طبعا أنا ما دخلته وبعدها ودعنا مروان وتشكرنا منه وانطلقنا إلى .........................................؟
__________________
مسافر في سما النسيان :
رد مع اقتباس