مربوط بالضي ..
مقيِّدٍ بالظل .. مسجون في الناس ..
مديون لكلمةٍ حلوه .. مرهون لي أنفاس ..
قولي لي .. وش أسوي ..
ملعون هالإحساس ..
لو هو حلو وافر ..
قاضبني لا اسافر..

بدر بن عبدالمحسن

بعد خورجنا من مراكش توجهنا ألي المحمدية وصلنا المحمدية على الساعة سبعة بالليل بدينا نتمشى بالمحمدية وكان الجو رذاذ من المطر والناس طالعة والكفيات مليانة الين الساعة 11 بعدها رحنا الشقة ألي يعرفها خوينا الأصلع وكان أول مكان سكنة خوينا الأصلع في 2008 في المغرب له فيه ذكريات كثيرة أول ما وصلنا للشقة جلسنا ندور العساس حدود الساعة وبعد ما حصلناه سألنه اذا في شقق قال في شقة غرفتين وصالة هي المتوفرة تم حجز الشقة والسكن دخلنا أغراضنا وسهرة خفيفة وبعدها نومة
طبعا الشقة هي داخل مجمع سكني على البحر وفيها مسابح وبيش الشقة (غرفتين نوم - صاله كبيرة - حمامين - مطبخ - بلكونة كبيرة على البحر فيها طاولة طعام وجلسة ) اجأر الشقة 800 درهم باليوم بدون خادمة .

اليوم الواحد والعشرون صحيت الصبح الساعة 10:30 على انغام فيرو وكان خوينا الفاهي والأصلع صاحين قبلي ومضبط القهوة ورس الشيشة واحلى جلسة بالبلكونة واحلى روقان والأصلع مشتهي اليوم يضبط الفطور بالشقة واحلا شكشوكة وفول وزيتون واجبان وبعد الفطور على الساعة 12:30 نزلنا البيش وتمشينا شوي ورجعنا ضفينا أغراضنا على كازا طبعا كازا جنب المحمدية أبو نص ساعة وأنت بكاز وصلنا كازا على الساعة 3:00 العصر وجهنا على الشقة ألي حجزينا عن طريق واحد من معرفة مروان وصلنا الشقة ولقينا الخدامة بانتظارنا دخلنا العفش وريحنا أبو ساعتين .

طبعا الشقة ( ثلاث غرف - حمامين - صالة كبيرة - ومطبخ ) اجأر الشقة 1200 درهم باليوم مع الخادمة يعيب الشقة أنها قديمة البنيان ما في الا الصالة مجددة اما الممرات والغرف نفس اللون وبدون اي ديكورات بس الفرش جديد والشقة نظيفة .

صحينا على الساعة 5:30 تجهزنا وطلعنا وكان الجوع ذابحنا وجهنا على موركو مول تغدينا فيه وتمشينا إلى الساعة 8:00 وبعدها رحنا شيشنا بعين ذياب وكنا محتارين وين نسهر وبعد مناقشات اتفقنا على الديوان بعد ما طلعنا من الشيشة جلسنا نتمشى بعين ذياب إلى الساعة 12:00 وكان المكان زحمة والجو عليل ولي يبيع ولي يعرض ولي مسوين دائرة وجالس يرقصون فيها وبعدها اتجهنا إلى الديوان طبعا الديوان ما هو دسكو اقرب إلى انه مطعم وفية فرقة تغني ويقدم العصائر والشيشة وجلساته هادية .

سهرنا الى الساعة 3:00 الفجر وبعدها طلعنا منة كان فينة نشاط رجعنا الي عين ذياب مرة ثانية ونرنا نتمشى الى الساعة 5:00 الفجر طبعا المكان زحمة وطيور مهاجرة ومستوطنة وعلى جميع الأشكال بعدها رجعنا الشقة استعداد للرجعة لأرض الوطن وأول ما دخلنا الشقة كل واحد جهز أغراضه وجلسنا شوي مع بعض نشيش وعلى الساعة 6:30 كل واحد دخل غرفته للنوم .

اليوم الثاني والعشرون صحينا الساعة 10:30 كلن اخذله شور على السريع وبدلنا وضفينا اغرضنا وتشكرنا من الخدمة على حسن التعامل ومشينا للمطار وصلنا المطار على الساعة 12:00 ضهرا سلمنا السيارة ودخلنا مسرعين للبرودين وتوجهنا للجوازات وكان الطابور طويل حنا في حالة من الجوع نبي ناكل أي شيء قبل لا نركب الطيارة وعند شباك الجوازات بعد ما عديت أنا وعدا الأخ اصلع جاء دور

الأخ فاهي فلمحلة موظف الجوازات انه يبيئ بخشيش
فرد علية الأخ فاهي بصوت علي مسموع تبي فلوس ما عندي فلوس و فتحلة بوكة الفاضي
هنا تورط موظف الجوزات وعطاه جوازه وقالة سير اخويا بعد قلب وجه الموظف مية لون ولون

وبعد خورجنا من الجوازات وحنى نمشي بالسيب وخوينا الفاهي يضحك يقولنا انه سحب الفلوس من البوك وحطها بالشنطة باك باك قبل لا يدخل طابور الجوازات وبنهاية السيب التفتيش الشخصي قبل دخولك صالة السوق الحرة والمطاعم وصلنا التفتيش عديت أنا وعدى الأخ فاهي ويم وصل الدور عند الأخ اصلع وقفة وقالوله ادخل الغرفة الي جنب التفتيش طبعا حنا شكينا بان السافة الي سوؤها الأخ فاهي عند موظف الجوزات لها علاقة بتوقيفة الاصلع جلسنا بحدود النص ساعة والجوع ذبحنا وكل ما سألناهم قالو بيجي المدير اسمك بالجهاز طالع عندنا وبعد ربع ساعة جاء المدير وسألنه وقال بان احدى الشنط باسم الأخ الاصلع فيها علب غاز قالة هذي عزبة الطبخ والشاي والقهوة قال مفيئ مشكلة بس لازم الأخ الاصلع يروح مع الموظف المسول لقسم الشحن بالخدمات الأرضية وهو يفتح الشنطة ويطلعها , على ما راح الأخ الاصلع ورجع الا باقي نص ساعة على الإقلاع اركض يا ولد اكلك لقمة وركب الطيارة للرجعة .

انتظروا الحلقة الأخيرة الإيجابيات والسلبيات وتكلفة السفرة كاملة .