قالت من انت .. وقلت مجموعة انسان
من كل ضد وضد تلقين فيني
فيني نهار وليل .. وافراح واحزان
اضحك ودمعي حايرٍ وسط عيني ..

فيني بداية وقت .. ونهاية ازمان
اشتاق باكر واعطي امسي حنيني
واسقي قلوب الناس عشقٍ وضميان
واهدي حيارى الدرب .. واحتار ويني ..
واحاوم طيور السما حوم نشوان
واسيل الوديان دمعٍ حزيني ..

في عيني اليمنى من الورد بستان
وفي عيني اليسرى عجاج السنيني
تهزمني النجلا .. وانا ند فرسان
واخفي طعوني والمحبه تبيني ..
ان ما عرفتيني فلانيب زعلان
حتى انا تراني احترت فيني ..

__________________
سأظل أتنفس الأمل والتفاؤل وأضيء الكون بابتسامتي رغم كل شيء