دايما سبب مشاكل الشباب فى كل الدول العربية تقريبا صوت المسجل العالي يجيبلك المصايب من كل مكان وحتى اللى ما يعرف انك سائح بالصوت العالي انت تعرفه انك سائح .. ويصير مسجلك مثل المغناطيس يجيب لك المشاكل والدرك والجيران والحرس والكل يحاول يبتزك لان العين عليك ..

اذا بتسوي صوت عالي اسكن فى مكان بعيد .. او اصلا ليش الصوت العالي وكأنك مسوي نايت كلب خاص فيك .. يا شباب العقل زين والمثل يقول يا غريب خلك اديب والمثل الثاني يقول ما دمت في ارضهم فأرضهم .. يعني لازم المسجل روح للسهرات واسمع ميوزك حتى ينفقع راسك وارجع البيت لجلسات هادئة وسمر وضحك ووناسة .. امشي على نظام البلد اللى انت تروح له وعلى قانونها محد يزعجك ..
انا زرت المغرب 8 زيارات وبعض الزيارات ابقى 3 اشهر متتاليه ولله الحمد ما عمرى قابلت مشكلة لا في سكن ولا الشارع ولا في سهرة دايم مبسوط مع انى اروح كازا ومراكش واغادير وطنجه وزرت معظم مدن المغرب ولا اسكن اكثر اوقاتي الا في شقق ولوحدى كمان ودايما استمتع بأجازتي بدون مشاكل .

أى بلد تروح له احجز دايما فندق لاول ليلتين حتى توصل وتشوف المدينة والناس ...وتختار سكن بعدين على مزاجك وتتعامل مع الناس وتعرف الصالح والطالح .. كون اصدقاء مغاربه محترمين وهم يساعدونك ..

انا معظم شققي اصحابي المغاربه يستأجرونها لي قبل اوصل احول لهم اول ليلتين وهم ينقونها ويدفعون قيمتها وينتظروني فى المطار ياخذوني حتى يوصلوني شقتي بدون مشاكل وسماسارة .. وبعدها اروح اختار السكن اللى يدخل مزاجي ودايما اختار الافضل والأمن حتى لو كان غالي واطلع اتمشى فى كل شارع على رجلي نادرا ما القى شفارة او شحاتين والله ساحة كازا اللى قدام حياة ريجنسي اتمشى فيها دايما لوحدي ولا اشرب اتاي الا هناك بالساحة ما عمر احد جاء ازعجني حتى باب مراكش تمشيت فيه كامل لوحدي .. خلك بس محترم وادخل مع الناس تنبسط ...

الشقق ما عمري حطيت مسجل وصوت عالي السهرات يا كثره بالمغرب وخصوصا مراكش فى كل شارع سهرة مختلفه .. ادخل من الساعه 11 الى الساعه 5 واسمع ميوزك حتى ينفقع راسك وبعدها ارجع .. خلال زياراتي الثماني وقفنى الدرك مره وحده بس وانا الغلطان لانى رجعت فى وقت متأخر من مكان مظلم وبسيارة مهي حقتي

اللي ابغا اقوله لك وللشباب .. تبغون تنبسطون بالمغرب ابعدوا عن المسجل العالي لانه هو جاذب المشاكل والبوليس والشفاره والبلاوي .. وغيرها رح انبسط محد يقولك شي.. وفلوسك لا تحطها كلها فى مكان واحد ..وجرب وشوف