الى عشاق الامثال الشعبية اهدي هذه الباقة التي قطفتها من بستان الثرات المغربي الزاخر و المتنوع
والذي يدل على ثقافة الانسان المغربي الشاسعة و الغنية ، وعلى عطائه المتميز في مختلف مجالات الحياة
واتنمى ان تعجبكم هذه الباقة المتواضعة
قالوا زمان :
اللي بغا يكبر شانو يحرث مع قرانو
درجة بدرجة حتى يحن مول الرجا
زين المراة ف ضياها وزين العاتق ف حياها
مراة المنحوس ما هي مطلق ما هي عروس
حلفت العروسة ما تحب الحماه حتى تبياض الفحمة
لا عجوزة تفلق ولا راجل يطلق
الى شفتي موكة خطابة عرف بلارج عريس
الى درتيها ف الرجالة ترجاها والى درتيها ف النسا لا تنساها
حديث النسا يونس و يعلم الفهامة يعملوا من الريح قلادة و يحسنوا لك بلا ما ( اعجبني هذا المثل مره )
راح داك الزمان وناسو وجا هذ الزمان بفاسه
الي يتكلم بالحق يهرسو له راسو
وريه وريه و لى عما سير وخليه
الفقيه اللي ترجينا بركتو دخل الجامع بلغته
الناس ف الناس و القرع ف مشيط الراس
الزين كيحشم على زينو و الخايب الى هداه الله
العين صعيبة تتقتل الكسيبة وتخوي الزريبة لهلا يسلطها على الحبيب و الحبيبة
لو كانت الصفيحة ترد العاركن رداتو عل الحمار
اللي زيانت ايامو تيشير بكمامو
دابا كلينا وشربنا ونسينا الحرابل باش سعينا
دخانهم عمانا وطعامهم ما جانا
المدبوحة تتضحك عل المسلوخة واللي مقطعة طراف قالت لهم ديوني نشوف
حبوبة ف وجهي حكيتها سال دمها خليتها زاد همها