صباح الخير يامزاعيط

نكمل لكم اليوم السوالف وباقي الاحداث في مراكش الحمراء : (65):

لكن قبل اكمل الموضوع احب اوجة كل الشكر لاخوي البرنس لمجهوده معي في تعديل التقرير وتصغير حجم الصور وهذا شي مو غريب عليه الف الف الف شكر لك وعساك ع القوه : (75):


كنا خلصنا من شلالات اوريكا ورجعنا البيت وسهرنا احلى سهر وصحينا الصبح افطرنا وجلسنا نسولف حنا والطيور العصرية وطلعنا للمسبح واحلى سباحة رجعنا للفله وجلسنا الين المغرب مشوا الطيور وحنا طلعنا رحنا للقليز وتقهوينا وصيدنا وتونسنا ومن احداث السوالف قررنا نزور بكره مطعم ابو راشد المشهور ( علي بن فلاح ) رجعنا للبيت بعد القليز وتعشينا وصلوا الطيور وسهرنا احلى سهر الين الصبح ونمنا صحينا الظهر افطرنا وجلسنا نسولف الين المغرب ومشينا لعلي بن فلاح اول ماوصلنا لقينا قروبات كبيره اجانب داخلين وماكان فيه الا انا وخويي اللي عرب تقريبا اخذنا التذاكر وكان سعر التذكره على الشخص 450 درهم بوفيه مفتوح وحظور الاستعراض طبعا دخلنا وكان شي خيال مره حلو ومرتب وفله اخليكم مع الصور وبعدها بتكلم عنه شوي .


هذا السور الخارجي



هذا مدخل المطعم





هذي البوابه الداخليه خيول وبنادق وكل واحد يناديك تصور معه .




وهذي الساحة اللي يكون فيها العروض .








وهذي الصور اذا دخلت عروض واغاني ورقص شي يوسع الصدر .





























فيه فرقه شباب وبنات يغنون داخل المطعم وكنا نمشي قالوا لنا تعالوا ارقصوا معانا قال خوي اوكي بس لازم تدقون لان خليجي <<< يلعن ام المسكه : (590): جلسوا المساكين كل شوي يدقون شي جديد ويقول لا هذي ماتصلح ويغيرون الين جابو دق حلو واعجبه ونجلس نرقص معاهم وانواع الشطح والحماس : (700): شوي الا خويي يقول طالع الناس الا والاجانب يطالعون فينا ويصورون والله ونمشي قلنا لانطلع باليوتيوب خليجين مهبل او شي
هذي صوره اثناء محاولتهم الحصول على دق خليجي



خلصنا من المطعم وخرجنا وقبل لانخرج وقفت وصورة صوره لعيون ابوراشد يمكن ترد الذكرى معاه





طلعنا من المطعم ورجعنا للفله وصلوا ضيوفنا وسهرنا معهم واحلى سهر الصباح نمنا صحينا العصريه ومشيو الطيور وقرب المغرب وطلعنا لساحة الفناء تمشينا فيها وكان الجو مره حر واعذروني نسيت اخذ الكاميرا ولا صور بالساحة رجعنا للبيت ريحنا شوي وقلت لخويي ايش رايك نغير الديره قال وين نروح قلت بنروح الرباط قال اوكي رتب الامور وشوف قلت خلاص بكره بشوف الوضع .

جلسنا شوي وصلوا الصيوف واحلى سهره صباحي ونمنا صحينا الظهر لقيت خويي صاحي افطرنا وقررنا ان حنا نمشي الرباط اخر اربع او ثلاث ايام رفعت السماعه ودقيت على شيخ المزاعيط كلمتة وسولف معاه شوي وقلت له عن الموضوع وان حنا نبي نروح الرباط لو احد هناك يرتب لنا السكن ماقصر ابو راشد قال بشوف وبرد لك قبل لا يقفل الخط سالني ايش اسمك بالمنتدى حاولت اصرفه بس ماقدر قلت له اسمي الموت : (756): قال اعوووذ بالله وايش هالاسم غيرت الموضوع على طول قفل الخط بعد ربع ساعه اتصل فيني وقالي الرباط عامره وارسلي ارقام ناس هناك كلمتهم ومالقيت الا شقه بدون تكييف قلت ماابيها رجعت لخويي وقلت له العلم كله قال يمكن خيره نغير ايش رايك نروح كازا قلت اوكي قدام كلم واحد اصحابه كان يتعامل مع سواق بكازا واعطاه الرقم كلمنا السواق يوم الاربعاء قال اوكي اعطوني مهله الين بكره وارد لكم خبر انتظرنا وكلمنا الخميس وقال فيه شقه حلوه بـ 1200 درهم قلنا اوكي اتفقنا يجينا يوم الجمعه الظهر وياخذنا من مراكش لكازا رتبنا بعض الاغراض طلعنا المغرب للقليز وجلسنا بالكوفي رجعنا للبيت وسهرنا مع الطيور الين الصبح صحينا الظهر افطرنا وكان السواق موجود بالفله مشوا الطيور وحنا رتبنا شنطنا ووادعنا الشغاله والسواق الاول ووادعنا صاحبة الفله وركبنا مع السواق الجديد ومشينا لكازا ..


بتوقف هنا لاني دوخت من الكتابه : (496): وبكره اكمل لكم السالفه من اول خروجنا من مراكش واحداث كازا .



مرئياتي عن مراكش وعن السكن .

السكن : الحمدلله ربي وفقنا ولقينا سكن مره حلو والاحلى صاحبة الفله بنت في قمة الاخلاق وحبوبه حريصه علينا وعلى اغراضنا وعلى جوازاتنا وفرت الشغاله ووفرت السواق لها هيبتها بالمنتجع كامل يعني مالقينا اي ازعاج من البوابين او اي احد بالمنتجع وانشاءالله كل مره اروح ماراح اسكن الا عندها وبس


مراكش : مدينه حلوه واهله طيبين ومتعودين على السواح ... الشباب اللي يروحون يشتكون من الدرك.. والله عند مدخل الفله نقطه درك ولكن الحمدلله والله ماعمر تكلمو معنا باي شي دامك تمشي سيده مااحد يقدر يكلمك

مدينة مراكش صغيرة شوي وتفتقد المجمعات الكبيرة هذا السلبيات الوحيده فيها


اتمنى يعجبكم تقرير ولي رجعه بعد يومين لتكملة باقي الاحداث :0069: