لاتوادعني وتعلن بالرحيل
ماتحمل شوفتك يوم الوداع
للفراق أسباب والصده دليل
وللغلا لهفة مشاعر واجتماع
روح في دربك وانا عابر سبيل
في دروب المهمهيه والضياع
كم عطيتك حب فوق المستحيل
ولا خذيت الا صدودك والخداع
جيتك بقلب على قلبك دخيل
رحت وجروحي من اسبابك وساع
خنت حبي لك وانا عيني تخيل
وانكشف وجهك بعد طاح القناع
لاتأسف لي وبلقى لي بديل
من شرى وصلك مع الايام باع
والدموع اللي على خدك تسيل
ماروت مشاعر عقبك جياع
كفكف دموعك وناظر للحصيل
الفراق المر ودموع الوداع
عزتي هي تاج راسي والاصيل
مايطمنها متاعب وارتفاع
انتهينا وانتهى حب جميل
والفلك دوار والدنيا متاع
__________________
لاتسمع كل ما يقال ولا تقول كل ما تسمع.