تابع : ..

اليوم الي بعد كنت متفق مع السواق أبي أروح سوق الغنم أبي خروف أو تيس أي شي أهم شي ما يكون من محل القصابين أبي أشوف الذبيحه تذبح قدامي ، المهم كنت أقول لسواق يا هوه لازم نروح بدري لأني أعرف الي يبيعون الغنم يجون الصباح بدري قالي لا قبل الظهر بساعة عادي نحصلهم ما يروحون <-- قهرني والله يعنني راعي ديره
المهم صحيت بدري إلا وخديجة مسوية القهوة السعودية معلمها الطريقة وريح القهوة يعج في الشقة والشقة مترتبة وريح البخور يعني من جد شي يريح النفس ، والفطور الطيب مما لذ وطاب .. طبعاً ما فيه أحد صحى إلا أنا الربع نووووم وخويي داعس أبوها نوووم هههههه من جد كنت مرتاح لأنه أرتاح
المهم أفطرت وعينت من الله خير وأتصل على عبد الرزاق السواق يقول جايك جايك ويصقعني بساعة ونص ، خديجة تقول وش تبون الغدا قلت ولا تسوين شي أنا رايح أجيب الذبيحة أبي طاجين بالبرقوق وحريرة
قالت صافي
وأخيراً وصل السواق بعد ما دبل كبدي من جد طلعت أنا وياه على طول لسوق شعبي والله نسيت أسمه قريب من النخيل أو أبعد شوي المهم سوق شعبي فيه كل شي نزلنا ورحنا لأهل الغنم ونجيهم إلا قد غادر الجميع
وأنا أفصل على عبد الرزاق لين صار وجهه كذا
انسئل واحد قال في نفس السوق ووصف لنا مكان يقول فيه ذبايح توها مذبوحة كاملة والله وروح للمكان هذا وفعلاً لقيت ذبايح توها مذبوحة ودمها يقطر منها المهم وأخذ ذاك التيس اللباني كامل ب 900 درهم والله الرخص ..
المهم رجعت بعد صلاة الظهر لشقة وأنا دافل أم العافية ، وأعطي خديجة التيس قلت أبي لحم بالبرقوق وحريرة وشوي كبسة لأن الربع الي نايمين يبون كبسة سعودية ما أدري وش الطاري من جد يحبونها ههههههههه


نتابع لاحقاً
يا عيال لا أحد يفصل علي يقول ليش تقول أدق التفاصيل ههههه
أنا نفسية أجيب أدق أدق التفاصيل حتى في حياتي العادية

فوتكم بعافية <-- طبعاً عافيتنا مو عافيتكم يالمغاربة ههههه

__________________


ضع الماوس على التوقيع