صراحة تقريرك وافي وكافي عجبتني كيف اقنعتهم يمددو لك والفيلا محجوزة انا صارت لي معهم مشاكل وشد وجذب لكن مافي فايدة لاني في ارض الخصم واللي في ارض الخصم لايختصم

عموما رحلة هنية والحمدلله على كل حال واول مرة صراحة ادري ان عندهم ايجار سماعات على كذا اخذ منهم احسن

ونفسي اقابل ادم هذا دايم على جيتي ما احصله ولو اني حاس ماراح يفيدني بشي

يعني بالمختصر لازم شد وجذب مع هالمنتجع المعفن وانت وحظك يمكن تلقم يمكن لا

وبالنسبة للديسكو اللي فيه دخلته مرة وعطيته نظرة صوت اللي يغني يجيب الكآبة ولا عاد دخلته ثاني اذا مرة مجبور عليه مالك خلق تطلع

الاشجار اللي فيه للاسف اغلبها اشواك مدري وين الجمال في الموضوع ليتها ورود شي يفتح النفس يحسسك انك في غابة والمسبح حدث ولا حرج المفروض هم بنفسهم يمنعون السباحة فيه وصخ لأبعد درجة اوراق شجر تسبح معك يعني بالعربي مجرد منظر جميل اذا بتاخذه منظر اتفق معك جميل بس سباحة سوري

نجي لموظفين الرسبشن فيه بنتين ماعرف اساميهم اتوقع هم اللي قلت عنهم وكويسين معاي لكن بالتشك اوت تمخولو شوي واخذو حق ساعتين زيادة لاني تاخرت واتفقو مع المنظفة تألف لهم شي مكسور بالفيلا واكواب ضايعه ومن هالكلام بالعربي عطنا اكرامية 1200 وفي شخص برضو ماعرف اسمه لابس نظارات هذا اللي يشوفه يطلع من الرسبشن ويجي بوقت ثاني لانه ثقيل دم وحرامي درجة اولى يسوق الهبل على الشعب هو الوحيد اللي وقفت بوجهه وتخاصمت معاه لين ماجت وحدة من بنات الرسبشن وعطتني سعر ثاني هنا قلب وجهه الوان تحلطم مايدري وش يقول ف اللي يشوفه يطلع ويجي بوقت غير دوامه اذا هو مايبي عوار راس



وحاول ماتطلب كثير من المطعم لان اسعاره دبل الدبل حسبتها انا لو تروح مع تكسي وتجيب حق عشر اشخاص ماجا على سعرهم والمنيو حقهم حتى مو موضح فيه اسعار يعني العب يالعيب

هذا اللي عندي واسف ع الاطالة ورحلة سعيدة للكل ..