نكمل سالفتنا ..
مسكنا الخط وحنا 2 .. خوينا جايب معه عصيرين من المطار تلزمه بمراكش ، يدور الأصلي ع قولته ..
المهم أول مامسكت الخط ألا تفتيش بوجهي ويعترضني العسكري ..
قلت ياليل أبو لمبه ..
وأجنب يمين .. ويجي ويقول الأوراق وأعطيه وقالي أفتح الشنطه ..
ويلا نفتح وأنزل معه .. ويشوف البطول ويقول أيشششش هداا
عاد هنا قلت شنواااا هاااااد‘اا ، ع قولة رؤوف خليف ..
قال خمور !
قلت للأسف ..
قال ممنوع ، قلت أما ممنوع ، والله لو إني بـ خريص ..
ياحبيبي أنا شاريها من مطاركم .. يعني من هناا .. كيف ممنوع
قال ممنوع الخمور تطلع من كازا ، قلت أيوووووه ، بدينا نستهبل ..
ياحبيبي لحظه شوي ، وأدق ع رجال .. وأٌقوله هاك كلم .. قال مين ، قلت رجال يبيك ..
قال فين يخدم ، قلت ما أدري ، بس يمكن بالداخليه .. والرجال أساساً سواق ، الله يد’كره بالخير ..
عيا يستلم الجوال عموماً .. وينادي خويه . ويجي خويه يفتش أم السياره ، وقال فين المخدرات
هههههههههه
قلت دور زين ،
وقال تعال للسياره ،
قلت : فكر أنا خوف ، مشينا ..
قال حبيبي ممنوع الخمور برى كازا ، قلت وكيف أخليه مسموح .. قال شوف أيش يخرج منك ..
قلت هاك 100 وخل نمشي ، ورانا مشاريع .. قال اوك بالسلامه
ومشينا .. وقاعد أهوجس بالتفتيش الثاني .. وش بيقول بعد ..
فهمتي ..؟