خلها بالقلب تحرق مابقى
عادتي ما أشكي على غيري عناي

كل واحد من عنا الدنيا لقى
ما أشغله والحب هو سبة بلاي

يوم راح اللي معه قلبي هقى
أدفن أحزاني وفي قربه هناي

أكمل المشوار أنا ويا الشقى
وانتحب في صمت والذكرى عزاي

يكفي أن الحب في قلبه رقى
مثل ماحبه تمكن في حشاي

لو زماني بالهنا عاد وسقى
قلبي العطشان مايروي ظماي

ولو عطاني من نعيمه مابقى
ماتساوي ضحكة الغالي معاي


عناد المطيري

__________________
لاتسمع كل ما يقال ولا تقول كل ما تسمع.