انا عن نفسي،، خلاص بطلت اروح المغرب،،
كنت اروح لها من 2009 البلاد تغيرت للأسوء،، تدفع فلوس مقابل خدمة تحت المستوى،،
السكن بالشقق او الفلل فيه استغلال للسائح الخليجي،، شماعة الامان ذبحتنا،، والامان من الله،،
الاسعار صارت غالية، الاكل والشرب ومقاضي السكن وماشابه،،، النادل اللي يعمل بالكافيهات اللي يرتادها السائح صار يناظر منك اكرامية غصبن عليك،، كانه يطالبك المبلغ والا عصب عليك اذا ماتعطيه،،، لا ويجيك بالفكة ويعطيك اياها بايدك درهم درهم،، ههههه بعني خللي الباقي!!
السهر ،، انا مااسهر كثير،، لاني موراعي شرب،، لكن اماكن سهر الخليجيين خاصة،، استغلال بماتعنيه الكلمة،، من الباب ورجال الامن كارهيينك وحاقدين عليك لكن بعد يبون فلوسك هههه
واذا بغيت اطلع تتمشى جووك الطلابة وراك وراك الكل يبي منك فلوس من متشرد وطفل ورجل امن وغيره!!
كرهت هالشي مع ان المغرب بلاد حلوة وشعبها وايد طيب و ،، لكن عصابات السياحة والامن المزعوم والفساد هو الطاغي،،،
هذا راي الشخصي ويمكن غيري له راي ثاني،،
والسموحه منكم