الجزء الثالث




نرجع لكم مع الجزء الثالث وهو خروجنا من الرباط الي طنجه

كانت المسافه من الرباط الي طنجه 200 كيلو تقريبا قطعناها في ثلاث ساعات وسبب تاخرنا وقوفنا للعشاء في محطه اسمها المناصره فيها مطعم حق شوي حلو صراحه على جنب الطريق للي راجعين من طنجه طبعا قطعنا الخط وكنا نلعب انا والشباب لعبه حلوه انصحكم تجربونها :Abu Ahmed (90):
كنا نقطع الطريق واللي يندعس مرتين يطلع برا هههههههههههههههه :Abu Ahmed (769):

دعابه دعابه
امزح ترا لا احد يسويها ويموت علينا ههههههههههههههههه

ووصلنا لطنجه وكانت الساعه 10 بالليل لان ما طلعنا من الرباط الا متاخرين وكان بستقبالنا سواق بسياره متفقين معاه بـ 400 درهم
وكان جو طنجه حلو وبارد ونسيم البحر اللي يرد الروح

ورحنا مع السواق ندور على فله زينه وسعرها مناسب وكل ما دقينا على واحد يضيق صدورنا يقول ب 4000 والا 5000 درهم قلنا وينا فيه وش ذا الغلا والله لو اننا على كنز ما اخذناها

المهم لقينا فله حلوه في حي اسمه مالباطا اربع غرف وصالتين وديسكو كان سعرها 3000 درهم

ودخلنا الفله ريحنا شوي وبدلنا ملابسنا :Abu Ahmed (770): وعلى السهره
سهرنا في كازنو اسمه ليالي الانس على الكورنيش وكان سعر الطاوله مع العصيرات 1500 درهم وجوه حلو اغاني عربيه على خليجية والجو عال العال
طلعنا منه على الساعه 4ونص الفجر والفله وينها بس لان ورانا تمشيه اليوم الثاني ونبي نصحى بدري

وجاء اليوم الثاني وصحينا الساعه 1 الظهر وكل منا اخذ له شور وصحصحنا شوي وطلعنا لمطعم بحري اسمه صيد اليوم في برج اسمه برج العرب على الكورنيش مقابل ليالي الانس وطبعا البرج هذا فيه شقق للايجار
والمطعم كله ماكولات بحريه حلوه وعليه زحمه شوي لاننا جايينه في فتره غدا
وبعد الغدا طلعنا نتمشي في الجبل على حي اسمه كاليفورنيا
وفي الحي هذا قصر للامير سلمان بن عبدالعزيز الله يحفظه
والقصر كان كبير وعليه حراسات
ونروح لمغاره هرقل كانت روعه وانا اقول اللي راح لطنجه ولا جاء مغاره هرقل معناتها ما قد جاء طنجه
لانها روعه بكل ما تعنيه الكلمه

وطلعنا منها ونرجع لطنجه داخل المدينه نبي ندور كافي حلو وكلاس المهم جلسنا في كافي اسمه بانوراما على شارع محمد الخامس اللي اهو الكورنيش مقابل لماكدونالدز على البحر وفيه جلسات داخل وبرا وفيه طاولات تفتح على البحر وشغل كلاس كلاس كلاس وسعره كان حلو على فخامته من جد


ورجعنا للفله لان كنا ناوين السهره بالديسكو اللي بالفله واحلى وناسه وكل واحد وخويه الى الساعه 9 الصباح من بعدها جت احلى نومه

وصحينا اليوم الثالث متاخرين ونتغدا ونروق وطلعنا على الساعه 6 لمرجان ناخذلنا بعض الاغراض وعلى كافي بنوراما لاننا انبسطنا فيه كثير والله واخذ لي قهيوه نص نص ابي اصحصح شوي ونروح لماكدونالدز اللي مقابلها نتعشاء ونرجع للفله نتضبط للسهره

وكانت سهرتها في ديسكو 555 جوه حلو والدخول فيه بـ 150 درهم مع مشروب مجاني وخلصنا السهره فيه ورجعنا ننام






وهنا جينا لليوم الرابع وكانت النيه لمراكش الحمرا فديتها



ونرجع لكم في تكمله الجزء الرابع انشالله :Abu Ahmed (113):